Jamiyat 18.11.2019 👁 719

IQTIDOPLI VA ISTEʼDODLI QIZLAP – ZULFIYaXONIMGA MUNOSIB IZDOShLAP SAPALANMOQDA

Mamlakatimizda moʻʼtabar ayol zotiga munosib hurmat-ehtirom koʻrsatish, ularning jamiyatimizdagi oʻrni va nufuzini oshirish, sogʻlom va barkamol avlodni voyaga yetkazish, oʻzining iqtidori va ibratli faoliyati bilan yoshlarga oʻrnak boʻlib kelayotgan qizlarni ragʻbatlantirish maqsadida “Zulfiya” nomidagi Davlat mukofoti taʼsis etilgan.

Oʻzbekiston Pespublikasi Prezidentining 2018-yil 2-fevraldagi «Xotin-qizlarni qoʻllab-quvvatlash va oila institutini mustahkamlash sohasidagi faoliyatni tubdan takomillashtirish chora-tadbirlari toʻgʻrisida»gi PF-5325-sonli Farmoniga asosan “Zulfiya” nomidagi Davlat mukofoti har yili Qoraqalpogʻiston Pespublikasi, viloyatlar va Toshkent shahridan ikki nafardan talabgorlarga, taʼlim, fan, adabiyot, madaniyat, sanʼat, sport va jamoatchilik faoliyatida alohida yutuqlarga erishgan, oʻn toʻrt yoshga toʻlgan va oʻttiz yoshdan oshmagan iqtidorli qizlarga berilib kelinmoqda.

Joriy yilning 5-oktyabr kuni tuman madaniyat uyida “Zulfiya” nomidagi Davlat mukofotiga nomzodlarni saralash bosqichining Qoraqalpogʻiston Pespublikasi Amudaryo tuman bosqichi boʻlib oʻtgan edi. Saralash bosqichining tuman komissiyasiga taʼlim, fan, adabiyot, madaniyat, sanʼat, sport va jamoatchilik faoliyati yoʻnalishlari boʻyicha hujjat topshirgan 150 nafar iqtidorli qizlarning ishlari koʻrib chiqildi. Tuman komissiyasi qaroriga koʻra, 5 nafar oʻquvchi-qizlar saralash bosqichining Qoraqalpogʻiston Pespublikasi bosqichiga yoʻllanma olgan edi.

15-noyabr kuni saralash bosqichining Qorqalpogʻiston Pespublikasi bosqichi boʻlib oʻtdi. Unda tumanimizdagi 12-sonli maktab oʻquvchisi Omonboyeva Zebo va 9-sonli maktab oʻquvchisi Qoʻchqorova Sitora taʼlim yoʻnalishi boʻyicha, 18-sonli maktab oʻquvchisi Saʼdullayeva Ziyoda sport yoʻnalishi hamda Nukus Davlat pedagogika institutining oʻzbek tili va adabiyoti fakulteti 1-bosqich talabasi Dinora Karimboyeva va “Jayxun ilhomlari” nodavlat notijorat tashkiloti mutaxassisi Iroda Erdoshevalar adabiyot yoʻnalishi boʻyicha ishtirok etishdi.

Adabiyot yoʻnalishida Qoraqalpogʻiston Yozuvchilar Uyushmasi aʼzosi, “Qarligʻash” bolalar jurnali muharriri Beknazar Yernazarov, “Qoraqalpogʻiston tongi” gazetasi bosh muharriri Nazira Matyakupova va Qoraqalpoq Davlat Universiteti oʻqituvchisi Muborak Otaniyozovalar hakamlik qilishdi.

Saralash bosqichida faol qatnashgan oʻquvchi-qizlar Qoraqalpogʻiston Pespublikasi Vazirlar Kengashi Paisining oʻrinbosari, Xotin-qizlar qoʻmitasi raisi, Zulfiya nomidagi Davlat mukofoti hududiy komissiyasi raisi Zuhra Ibragimova tomonidan tashakkurnoma bilan taqdirlandilar.