Amudaryolik yoga murabbiylari Jahon çempionatida munosib iştirok etdi

Bugungi kunda soğlom turmuş tarzi, jismoniy faollik va ruhiy salomatlikni mustahkamlaş masalalari jamiyat taraqqiyotining muhim omillaridan biriga aylanib bormoqda. Ana şunday ezgu maqsadlar yölida fidoyilik bilan mehnat qilib kelayotgan amudaryolik professional yoga murabbiylari — ona-bola Gulçiroy Karimova va uning qizi Farangiz Jabbarbergenova nafaqat tumanimiz, balki butun mamlakatimiz şarafini xalqaro maydonda munosib himoya qilib qaytişdi.

Ular tarixda ilk marotaba Hindistonning Ahmadobod şahrida ötkazilgan Yogasana böyiça Jahon çempionatida Özbekiston terma jamoasi tarkibida iştirok etib, yurtimiz vakillari safida munosib natijalarni qölga kiritdilar. Bu esa Amudaryo tumani sport va salomatlik harakati tarixida muhim voqea sifatida eʼtirof etilmoqda.

2026-yil 4-8-iyun kunlari Hindistonning Ahmadobod şahridagi zamonaviy EKA Arena majmuasida ilk bor “World Yogasana Championship 2026” — Yogasana böyiça Jahon çempionati bölib ötdi. Nufuzli musobaqada dunyoning 60 dan ortiq davlatidan 400 nafardan ziyod sportçi iştirok etib, yoga sanʼati va sport mahorati borasida özaro bellaşdilar. Uşbu çempionat yogasananing xalqaro sport turi sifatidagi nufuzi tobora ortib borayotganini yana bir bor namoyon etdi.

Özbekiston terma jamoasi safida qatnaşgan Gulçiroy Karimova va Farangiz Jabbarbergenovaning jahon arenalaridagi iştiroki yurtimizda, xususan, Amudaryo tumanida yoga sportining rivojlanayotganidan dalolat beradi. Ularning uşbu muvaffaqiyati yoşlar, ayniqsa, xotin-qizlar uçun katta rağbat va örnak bölib xizmat qilmoqda.

Amudaryo tumani hokimining örinbosari, Oila va xotin-qizlar bölimi boşliği Gözal Saburova tumanning Navoiy nomli mahallasida taşkil etilgan yoga klubiga taşrif buyurib, Özbekiston terma jamoasi aʼzolari, tajribali yoga murabbiylari Gulçiroy Karimova va Farangiz Jabbarbergenovani Jahon çempionatidagi muvaffaqiyatli iştiroki bilan samimiy tabrikladi.

Tadbir davomida ona-bola murabbiylarning yurtimiz sporti va xotin-qizlar salomatligini mustahkamlaş yölidagi xizmatlari yuksak baholandi. Şuningdek, kelgusida yoga sportini yanada rivojlantiriş, yoşlar va xotin-qizlar örtasida ommalaştiriş, soğlom turmuş tarzini keng tarğib qiliş borasidagi vazifalar haqida fikr almaşildi.

Amudaryo tumanida yoga bilan şuğullanişga qiziqayotgan xotin-qizlar soni yildan-yilga ortib bormoqda. Bu borada professional yoga murabbiyi Gulçiroy Karimovaning xizmatlari alohida eʼtiborga loyiq. U soğlom turmuş tarzini tarğib etiş, ayollar salomatligini mustahkamlaş va ularning böş vaqtini mazmunli taşkil etiş yölida samarali faoliyat yuritib kelmoqda.

Murabbiy öz taşabbusi va saʼy-harakatlari bilan Tölqin ovuli, Navoiy nomli mahalla hamda Qipçoq şaharçasida xotin-qizlar uçun yoga klublarini taşkil etib, yuzlab ayollarni soğlom hayot sari yetaklamoqda. Uşbu klublarda nafaqat jismoniy maşqlar örgatiladi, balki soğlom turmuş madaniyati, ruhiy xotirjamlik va hayotiy faollikni oşirişga qaratilgan maşğulotlar ham muntazam olib boriladi.

Mutaxassislarning taʼkidlaşiça, yoga inson organizmiga köplab foyda keltiradi. U muşaklar va böğimlarning moslaşuvçanligini oşiradi, qomatni tiklaydi, qon aylanişini yaxşilaydi, stress va ruhiy zöriqişlarni kamaytiradi. Ayniqsa, xotin-qizlar salomatligini mustahkamlaş, homiladorlik, onalik davridagi jismoniy va ruhiy holatni yaxşilaşda yoga maşğulotlari muhim ahamiyat kasb etadi. Şu bois bugungi kunda Amudaryo tumanida uşbu sport turi bilan şuğullanuvçilar safi tobora kengayib bormoqda.

Şubhasiz, Gulçiroy Karimova va Farangiz Jabbarbergenovaning xalqaro maydondagi iştiroki Amudaryo tumani uçun katta faxrdir. Ularning mehnati va fidoyiligi tufayli bugun köplab xotin-qizlar soğlom hayot sari dadil qadam taşlamoqda. Jahon çempionatida qölga kiritilgan yutuqlar esa nafaqat şaxsiy muvaffaqiyat, balki yurtimizda yoga sportining rivojlanişi, xotin-qizlar salomatligini mustahkamlaş va soğlom avlodni tarbiyalaş yölidagi saʼy-harakatlarning amaliy natijasidir.

Çaros Arslonova, tuman hokimligining Axborot xizmati rahbari.