AMUDARYoLIK YoShLAR UChUN IMKONIYaTLAR MASKANI
Bugungi kunda mamlakatimizda yoshlarga katta eʼtibor qaratilib, ularning bilim olishi, kasb-hunar egallashi hamda boʻsh vaqtlarini mazmunli oʻtkazishlari uchun keng imkoniyatlar yaratilmoqda. Ayniqsa, chekka hududlarda yashovchi yoshlarni qoʻllab-quvvatlash borasida amalga oshirilayotgan ishlar tahsinga loyiqdir.
Tumanda faoliyat yuritayotgan taʼlim muassasalari va til oʻquv markazlarida yoshlar ingliz tili, rus tili hamda boshqa xorijiy tillarni oʻrganishmoqda. Chet tillarini puxta egallagan yoshlar turli milliy va xalqaro sertifikatlarni qoʻlga kiritib, oliy taʼlim muassasalariga kirish hamda xorijda taʼlim olish imkoniyatlariga ega boʻlmoqdalar.
Amudaryo tumanida ham bu borada salmoqli ishlar amalga oshirilmoqda. Xususan, tumandagi “Brighton School” oʻquv markazi yoshlarning chet tillarini puxta oʻrganishlari uchun munosib sharoit yaratib bermoqda. Ushbu markazda tahsil olayotgan oʻquvchilar ingliz tili boʻyicha bilimlarini mustahkamlab, xalqaro sertifikatlarni qoʻlga kiritish yoʻlida izchil mehnat qilmoqdalar.
Yoshlar — Yangi Oʻzbekiston bunyodkorlari. Ularga yaratilayotgan keng imkoniyatlar esa ertangi kunimizning mustahkam poydevori boʻlib xizmat qiladi. Zero, bilimli, tashabbuskor va intiluvchan yoshlar yurt taraqqiyotining eng muhim omilidir.
Gulhayo Erkaboyeva, Berdaq nomidagi Qoraqalpoq davlat universiteti talabasi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
