Tarbiyaçi mehnati — bola kamolotining mustahkam poydevori

Maktabgaça taʼlim — inson kamolotining ilk va eng taʼsirçan bosqiçi bölib, bolaning xarakteri, dunyoqaraşi hamda bilimga intilişi aynan şu yoşda şakllanadi. Psixologlar taʼkidlaganidek, maktabgaça davr bolaning keyingi hayoti uçun asos vazifasini ötaydi: bu yoşda orttirilgan könikmalar, muloqot madaniyati va mehnatga munosabat umr böyi unga hamroh böladi. Şu bois sönggi yillarda mamlakatimizda mazkur sohani rivojlantiriş, boğçalar sonini köpaytiriş va ularni zamonaviy talablar asosida jihozlaş davlat siyosatining alohida yönalişiga aylandi.

Bu eʼtibor faqat binolar va jihozlar bilan çeklanmaydi. Tarbiyaçilarning kasbiy mahoratini yuksaltiriş, ularga işdan ajralmagan holda taʼlim oliş imkonini yaratiş hamda eng ilğorlarini rağbatlantiriş orqali tizimning asl sifati belgilanayotganini Amudaryo tumanidagi bitta boğça misolida ham kuzatiş mumkin. Çunki qançalik zamonaviy bino qurilmasin, bolaga bilim va tarbiya beradigan asosiy kuç — bu tarbiyaçining özi, uning bilimi, sabri va bolaga bölgan munosabatidir.

Amudaryo tumanidagi 27-sonli Davlat maktabgaça taʼlim taşkiloti 2019-yilda yangidan barpo etilgan bölib, maktabgaça yoşdagi bolalarga sifatli taʼlim-tarbiya beriş va ularning har tomonlama rivojlanişi uçun zarur şart-şaroitlarni yaratişga yönaltirilgan muassasalardan biridir.

Bugungi kunda taşkilotda 6 ta guruh faoliyat yuritadi va ularda jami 172 nafar tarbiyalanuvçi qamrab olingan. Bolajonlarga xizmat körsatiş va ular bilan maşğulotlar ötkaziş bilan 45 nafar xodim şuğullanmoqda, bu esa har bir bolaga yetarli eʼtibor qaratiş imkonini beradi.

Jamoaning kadrlar salohiyati ham eʼtiborga molik. Xodimlar orasida 12 nafar pedagog tarbiyaçi bor, şulardan 9 nafari tugallanmagan oliy, 3 nafari örta maxsus maʼlumotga ega. Tugallanmagan oliy maʼlumotga ega tarbiyaçilarning köpçilikni taşkil etişi jamoada öqişni davom ettiriş, bilim saviyasini oşiriş niyati ustunligidan dalolat beradi. Bundan taşqari, 2 nafar musiqa rahbari, 1 nafar rus tili öqituvçisi, 1 nafar jismoniy tarbiya yöriqçisi va 1 nafar psixolog faoliyat körsatadi. Bu mutaxassislar bolalarning musiqaviy eşitiş qobiliyati, til boyligi, jismoniy çidamliligi va ruhiy holati bilan alohida şuğullaniş imkonini beradi.

Şuningdek, tarbiyaçilarga kundalik işlarida 8 nafar yordamçi tarbiyaçi kömaklaşadi. Bu toifadagi xodimlarning mavjudligi guruhlardagi tartib-intizom, bolalarning parvarişi va xavfsizligi masalalarini izçil nazoratda tutiş, pedagoglarga esa bevosita maşğulotlarga köproq vaqt ajratiş imkonini yaratadi.

Taşkilot faoliyatida bir neça ustuvor yönaliş belgilangan. Avvalo, bolalarning intellektual va ijodiy qobiliyatlarini rivojlantiriş, nutqini takomillaştiriş hamda jismoniy faolligini oşiriş masalalariga eʼtibor beriladi. Bu yönalişlar bir-birini töldirgan holda, bolaning yoşiga mos ravişda izçil olib boriladi. Yaʼni har bir guruhda maşğulotlar mazmuni bolalarning yoş xususiyatlaridan kelib çiqib tanlanadi va asta-sekin murakkablaştirib boriladi.

Aytiş joizki, tarbiyaviy işlarning maʼnaviy asosiga ham alohida urğu qaratiladi. Bolalarni milliy qadriyatlar va Vatanga muhabbat ruhida tarbiyalaş, ularning soğlom hamda xavfsiz muhitda taʼlim olişini taʼminlaş jamoa faoliyatining ajralmas qismi hisoblanadi.

Taʼlim jarayonida zamonaviy pedagogik yondaşuvlar va innovatsion usullardan foydalaniladi. Bolalarning qiziqişi hamda qobiliyatlarini oçişga qaratilgan maşğulotlar muntazam taşkil etilib, bu iş tizimli ravişda, yil böyi davom etadigan jarayon sifatida yölga qöyilgan.

Şu bilan birga, jamoa tomonidan turli maʼnaviy-maʼrifiy tadbirlar, körik-tanlovlar, bayram marosimlari va ijodiy loyihalar amalga oşirilib kelinmoqda. Bunday tadbirlar bolalarning jamoada özini erkin tutişiga, isteʼdodini namoyon etişiga va ijtimoiy könikmalarni egallaşiga xizmat qiladi. Bundan taşqari, mazkur tadbirlar tarbiyaçilar uçun ham öziga xos sinov maydoni bölib, ularning taşkilotçilik va ijodiy salohiyatini namoyon etişga imkon beradi.

Taşkilotning eng fidoyi va ilğor tarbiyaçilaridan biri — Nilufar Sodiqovadir. U 2020-yilda Amudaryo maişiy xizmat körsatiş kasb-hunar kollejini tamomlagan bölib, orttirgan amaliy tajribasini nazariy bilimlar bilan boyitişga intilib keladi.

Maktabgaça taʼlim sohasini rivojlantiriş va xodimlarni qöllab-quvvatlaşga qaratilayotgan eʼtibor natijasida yaratilgan imkoniyatlar tufayli u şu yil Nukus pedagogika institutiga dual taʼlim asosida öqişga kirdi. Bu şakl tarbiyaçilarga işdan ajralmagan holda nazariya va amaliyotni bir vaqtda olib boriş imkonini beradi. Bunday imkoniyat, ayniqsa, uzoq tumanlardagi tarbiyaçilar uçun ahamiyatli, zero u işni taşlab ketmasdan, jamoa bilan birga faoliyatni davom ettirib, oliy maʼlumot oliş imkoniyatiga ega böladi.

Alohida taʼkidlaş joizki, Nilufar Sodiqova “Yil tarbiyaçisi 2026” kasbiy körik-tanlovida Qoraqalpoğiston Respublikasi böyiça 3-örinni egalladi. Bu natija nafaqat bir tarbiyaçining şaxsiy yutuği, balki butun jamoaning pedagogik salohiyati va izçil mehnati samarasi sifatida qadrlidir. Zero bunday tanlovlarda iştirok etiş tarbiyaçidan kasbiy bilim, maşğulotlarni taşkil etiş mahorati va bolalar bilan işlaş könikmalarini yaxlit namoyon etişni talab qiladi.

Bir boğçadagi bunday natijalar kiçik körinsa-da, maktabgaça taʼlim tizimining umumiy manzarasi aynan şunday kundalik mehnatdan taşkil topadi, zero tarbiyaçining bilim olişga intilişi va öz kasbiga sadoqati pirovardida bolalar kamolotida aks etadi. Ota-onalar uçun esa boğçaga bölgan işonç köp jihatdan ana şu — farzandini kutib oladigan tarbiyaçining muloqoti va masʼuliyati orqali şakllanadi.

Fursatdan foydalanib, taşkilot direktori Zebo Tilavova rahbarligidagi ahil jamoani yaqinlaşib kelayotgan kasb bayrami — 1-oktyabr – Öqituvçi va murabbiylar kuni bilan qalbdan qutlab, maşaqqatli va masʼuliyatli faoliyatlarida omad tilaymiz.