“Сайловлар: ғалаба стратегияси ва тактикаси” мавзусида семинар-тренинг ўтказилди
Сайловлар демократик ҳуқуқий давлатнинг ажралмас қисми, халқимизнинг ўз хоҳиш-иродасини эркин билдириши, фуқароларнинг давлат ва жамият ишларидаги иштирокининг асосий шакли саналади. Сўнгги даврларда юртимизда амалга оширилган босқичма-босқич ва изчил ислоҳотлар самарасида энг юксак демократик талаблар ва умумэътироф этилган халқаро стандартларга мос, Сайлов кодексида мустаҳкамланган ҳар кимнинг давлат ҳокимияти вакиллик органларига сайлаш ва сайланиш ҳуқуқини таъминлайдиган сайлов тизими яратилди.
Юртимизда декабрь ойида Олий Мажлис Қонунчилик палатаси, халқ депутатлари вилоят, туман ва шаҳар Кенгашлари депутатлигига бўлиб ўтадиган сайловларга барча сиёсий партиялар қатори Ўзбекистон «Миллий тикланиш» демократик партияси ҳам қизғин ҳозирлик кўрмоқда.
26 cентябрь куни 9-сонли Болалар мусиқа ва санъат мактабида Ўзбекистон “Миллий тикланиш” демократик партияси туман Кенгаши томонидан сайловларга пухта тайёргарлик кўриш мақсадида “Сайловлар: ғалаба стратегияси ва тактикаси” мавзусида семинар-тренинг ўтказилди. Унда халқ депутатлари туман Кенгаши депутати Равшан Холмуродов, “Миллий тикланиш” демократик партияси туман Кенгаши етакчи мутахассиси Юлдуз Ўринбоева, сайлов участкаларига партиядан кўрсатилган кузатувчилар, ваколатли вакиллар қатнашишди.
Семинар-тренингда сайлов жараёни иштирокчилари, ваколатли ва кузатувчи вакилларга “Сайлов кодекси”нинг мазмун-моҳияти, сайловларнинг стратегияси ва тактикаси, сиёсий партияларнинг сайловларда иштироки, уларнинг ўрни, аҳамияти ва моҳияти хақида батафсил тушунтирилди. Ундан ташқари, давлат ҳокимиятининг вакиллик органларига бўлиб ўтадиган навбатдаги сайловларда нафақат иштирок этиш, балки ғолиб чиқиш Ўзбекистон «Миллий тикланиш» демократик партияси учун катта аҳамият касб этиши ҳақида айтиб ўтилди. Шунинг учун барча даражадаги партия ташкилотлари бўлажак сайловларда энг олдинги қаторда бўлишга ҳаракат қилишлари кераклиги гапирилди. Шу қаторда сиёсий партияларнинг сайлов жараёнидаги иштироки, сайлов компанияси тактикаси, самарали сайлов дастурини ишлаб чиқиш, партия ва номзодлар имижини шакллантириш йўллари ҳамда усуллари хусусида ҳам фикр-мулоҳазалар билдирилди.
Семинар-тренингда “Сайлов кодекси”нинг мазмун-моҳияти ва номзодлар билан ишлаш, уларни танлаб олиш борасидаги билимлар янада мустаҳкамланди.
Гулзода Эшимбетова,
ЎзМТДП туман Кенгаши раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
