“Saylovlar: gʻalaba strategiyasi va taktikasi” mavzusida seminar-trening oʻtkazildi
Saylovlar demokratik huquqiy davlatning ajralmas qismi, xalqimizning oʻz xohish-irodasini erkin bildirishi, fuqarolarning davlat va jamiyat ishlaridagi ishtirokining asosiy shakli sanaladi. Soʻnggi davrlarda yurtimizda amalga oshirilgan bosqichma-bosqich va izchil islohotlar samarasida eng yuksak demokratik talablar va umumeʼtirof etilgan xalqaro standartlarga mos, Saylov kodeksida mustahkamlangan har kimning davlat hokimiyati vakillik organlariga saylash va saylanish huquqini taʼminlaydigan saylov tizimi yaratildi.
Yurtimizda dekabr oyida Oliy Majlis Qonunchilik palatasi, xalq deputatlari viloyat, tuman va shahar Kengashlari deputatligiga boʻlib oʻtadigan saylovlarga barcha siyosiy partiyalar qatori Oʻzbekiston «Milliy tiklanish» demokratik partiyasi ham qizgʻin hozirlik koʻrmoqda.
26 centyabr kuni 9-sonli Bolalar musiqa va sanʼat maktabida Oʻzbekiston “Milliy tiklanish” demokratik partiyasi tuman Kengashi tomonidan saylovlarga puxta tayyorgarlik koʻrish maqsadida “Saylovlar: gʻalaba strategiyasi va taktikasi” mavzusida seminar-trening oʻtkazildi. Unda xalq deputatlari tuman Kengashi deputati Ravshan Xolmurodov, “Milliy tiklanish” demokratik partiyasi tuman Kengashi yetakchi mutaxassisi Yulduz Oʻrinboyeva, saylov uchastkalariga partiyadan koʻrsatilgan kuzatuvchilar, vakolatli vakillar qatnashishdi.
Seminar-treningda saylov jarayoni ishtirokchilari, vakolatli va kuzatuvchi vakillarga “Saylov kodeksi”ning mazmun-mohiyati, saylovlarning strategiyasi va taktikasi, siyosiy partiyalarning saylovlarda ishtiroki, ularning oʻrni, ahamiyati va mohiyati xaqida batafsil tushuntirildi. Undan tashqari, davlat hokimiyatining vakillik organlariga boʻlib oʻtadigan navbatdagi saylovlarda nafaqat ishtirok etish, balki gʻolib chiqish Oʻzbekiston «Milliy tiklanish» demokratik partiyasi uchun katta ahamiyat kasb etishi haqida aytib oʻtildi. Shuning uchun barcha darajadagi partiya tashkilotlari boʻlajak saylovlarda eng oldingi qatorda boʻlishga harakat qilishlari kerakligi gapirildi. Shu qatorda siyosiy partiyalarning saylov jarayonidagi ishtiroki, saylov kompaniyasi taktikasi, samarali saylov dasturini ishlab chiqish, partiya va nomzodlar imijini shakllantirish yoʻllari hamda usullari xususida ham fikr-mulohazalar bildirildi.
Seminar-treningda “Saylov kodeksi”ning mazmun-mohiyati va nomzodlar bilan ishlash, ularni tanlab olish borasidagi bilimlar yanada mustahkamlandi.
Gulzoda Eshimbetova,
OʻzMTDP tuman Kengashi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
