Грант лойиҳаси доирасида ўтказилган маънавият куни коллеж ёшларига манзур бўлди
"Нуроний" жамғармаси туман бўлимининг "Жаҳолатга қарши маърифат билан курашамиз" номли грант лойиҳаси доирасида таълим муассасаларида маънавият кунлари, учрашувлар ва давра суҳбатлари ташкил этилиб келинмоқда. Ёшлар ўртасида китобхонлик маданиятини ошириш, уларни китоб мутолаасига жалб этиш орқали дунёқарашини кенгайтириш ва ҳар қандай мафкуравий хуружлардан, “оммавий маданият” таъсиридан ҳимоя қилиш мақсадида ўтказилиб келинаётган бундай тадбирлар ўз самарасини бермоқда.
2 июль куни Амударё қишлоқ хўжалик касб-ҳунар коллежида мазкур грант лойиҳаси доирасидаги “Маънавият куни” муносабати билан учрашув ўтказилди. Тадбирда "Нуроний" жамғармаси туман бўлими раиси Б.Аллаберганов, “Юсуф Эшон бобо” жомъе масжиди имом-хатиби А.Матсафоев ва маҳалланинг кекса отахонлари иштирок этдилар.
Жамғарманинг туман бўлими раиси Б.Аллаберганов грант лойиҳаси ва унинг доирасида ўтказилаётган тадбирларнинг маънавий-маърифий аҳамияти ҳақида гапирди. “Юсуф Эшон бобо” жомъе масжиди имом-хатиби А.Матсафоев ҳам “оммавий маданият”нинг зарарли оқибатларини, улардан ва ҳар хил бузғунчи ғоялардан огоҳ бўлиш кераклигини, китобхонлик маданиятини янада ошириш, миллий ва маънавий қадриятларни асраб-авайлаш лозимлигини айтиб ўтди. Катта ҳаётий тажрибага эга нуроний отахонлар ҳам бу борада ёшларга ўз маслаҳатларини беришди.
Коллеж ёшларидан Азамат Аҳмедов, Имомаддин Нажмаддинов, Шаҳло Ёқубова, Журъатбек Отажонов, Дилнавоз Ражабова, Мафтуна Эржановалар китоб мутолаасининг аҳамияти, интернетдаги имкониятлардан оқилона фойдаланиш бўйича мулоҳазаларини баён қилдилар.
Маънавият куни муносабати билан ўтказилган учрашув ёшларда катта таассурот қолдирди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
