Grant loyihasi doirasida oʻtkazilgan maʼnaviyat kuni kollej yoshlariga manzur boʻldi
"Nuroniy" jamgʻarmasi tuman boʻlimining "Jaholatga qarshi maʼrifat bilan kurashamiz" nomli grant loyihasi doirasida taʼlim muassasalarida maʼnaviyat kunlari, uchrashuvlar va davra suhbatlari tashkil etilib kelinmoqda. Yoshlar oʻrtasida kitobxonlik madaniyatini oshirish, ularni kitob mutolaasiga jalb etish orqali dunyoqarashini kengaytirish va har qanday mafkuraviy xurujlardan, “ommaviy madaniyat” taʼsiridan himoya qilish maqsadida oʻtkazilib kelinayotgan bunday tadbirlar oʻz samarasini bermoqda.
2-iyul kuni Amudaryo qishloq xoʻjalik kasb-hunar kollejida mazkur grant loyihasi doirasidagi “Maʼnaviyat kuni” munosabati bilan uchrashuv oʻtkazildi. Tadbirda "Nuroniy" jamgʻarmasi tuman boʻlimi raisi B.Allaberganov, “Yusuf Eshon bobo” jomʼe masjidi imom-xatibi A.Matsafoyev va mahallaning keksa otaxonlari ishtirok etdilar.
Jamgʻarmaning tuman boʻlimi raisi B.Allaberganov grant loyihasi va uning doirasida oʻtkazilayotgan tadbirlarning maʼnaviy-maʼrifiy ahamiyati haqida gapirdi. “Yusuf Eshon bobo” jomʼe masjidi imom-xatibi A.Matsafoyev ham “ommaviy madaniyat”ning zararli oqibatlarini, ulardan va har xil buzgʻunchi gʻoyalardan ogoh boʻlish kerakligini, kitobxonlik madaniyatini yanada oshirish, milliy va maʼnaviy qadriyatlarni asrab-avaylash lozimligini aytib oʻtdi. Katta hayotiy tajribaga ega nuroniy otaxonlar ham bu borada yoshlarga oʻz maslahatlarini berishdi.
Kollej yoshlaridan Azamat Ahmedov, Imomaddin Najmaddinov, Shahlo Yoqubova, Jurʼatbek Otajonov, Dilnavoz Rajabova, Maftuna Erjanovalar kitob mutolaasining ahamiyati, internetdagi imkoniyatlardan oqilona foydalanish boʻyicha mulohazalarini bayon qildilar.
Maʼnaviyat kuni munosabati bilan oʻtkazilgan uchrashuv yoshlarda katta taassurot qoldirdi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
