“ЖАҲОЛАТГА ҚАPШИ МАЪPИФАТ БИЛАН КУPАШАМИЗ” ГPАНТ ЛОЙИҲАСИ ДОИPАСИДА МАЪНАВИЯТ КУНИ ЎТКАЗИЛДИ

24 май куни Қипчоқ ШФЙ ҳудудидаги 11-сон умумтаълим мактабида “Нуроний” жамғармаси туман бўлимининг “Жаҳолатга қарши маърифат билан курашамиз” грант лойиҳаси доирасида “Маънавият куни” ўтказилди.

“Маънавият куни”да 11-сон мактаб ўқитувчилари ва юқори синф ўқувчилари ҳамда шаҳарча фуқаролар йиғинида истиқомат қилувчи нуроний отахонлар иштирок этдилар.

Тадбирда “Нуроний” жамғармаси туман бўлими раиси Бекман Аллаберганов сўзга чиқиб, мазкур лойиҳани амалга оширишнинг аҳамияти ва ундан кўзланаётган натижалар ҳақида батафсил маълумот берди. Глобаллашув жараёнида ёшларни етук, маънавиятли инсонлар қилиб тарбиялашда китобхонликнинг аҳамияти катта эканлигини таъкидлаб, оммавий маданият, диний-экстремизм, диний ақидапарастлик ғояларини тарғиб қилувчи бузғунчи ғоялардан иборат адабиётлар ҳар хил йўллар билан мамлакатимизга олиб кирилаётгани, маънавий-маърифий савияси паст асарлар чоп этилаётгани, интернет тармоқлари орқали тарқалаётган бузғунчи ғоялар тарғиботи ҳар биримизни огоҳликка чорлаши хусусида ҳаётий мисоллар билан тушунчалар берди.
Шундан сўнг “Ҳожи Эшон бобо” жомеъ масжиди имом-хатиби Pажаббой махсум Ҳабибуллаев ёшларни мафкура майдонининг ҳар қандай хуружларидан, айниқса, ақидапарастлик, диний экстремизм, гиёҳвандлик иллатларидан ҳимоя қилиш – соғлом келажак кафолати эканлиги, ёшлар маънавиятини юксалтиришда китобнинг аҳамияти ва яхши китобни танлай билиш муҳимлиги ҳақида ўқувчи-ёшларга маслаҳатлар берди.

“Тараққиёт кўзгуси” газетаси махсус мухбири, лойиҳа ҳамкори Pобия Йўлдошева Интернет тармоқларидаги ўргимчак тўри ва унга илиниб алданиб қолмаслик, хусусий телеканаллар орқали эфирга узатилаётган хорижий сериалларнинг ёшлар онгига салбий таъсири хусусида кенг тўхталиб, ҳаётда ҳар бир инсон ўз ўрнига эга бўлиши ҳамда жаҳолат ботқоғига ботиб қолмаслиги учун китоб билан ошно бўлиши зарурлигини ва яхши китоб инсон ҳаётидаги ҳар қандай муаммонинг ечимини топишда энг яқин кўмакдош, дўст ва ҳамкор бўла олишини таъкидлади.

Давра суҳбатида Қипчоқ ШФЙ нуронийларидан Шомурод Султонов, Тожибой Булишов, Хўжабой Ешмуродов, маънавий-маърифий ишлар бўйича директор ўринбосари Мунаввара Жўлдосовалар ўз фикрлари билан иштирок этишди ва ўқувчи-ёшларга маслаҳатлар бериб, бугунгидай тинч, фаровон замоннинг  қадрига етиш ҳар бир инсоннинг бурчи эканлигини айтиб ўтдилар.

Ўқувчи-ёшлардан Оғабек Муҳаммадсолиев, Света Шомуродова, Ирода Аймирзаева ва бошқалар сўзга чиқишиб, нуроний отахон ва онахонлар томонидан билдирилган фикрларга, жўяли маслаҳатларга амал қилиш, китоб мутолааси билан шуғулланиш ўзлари учун фойдали эканлигини билдирдилар.

“Маънавият куни” якунида кекса авлод вакиллари билан ёшларнинг бу каби учрашувларини, давра суҳбатларини тез-тез ўтказиб туриш ёшлар маънавиятини юксалтиришнинг муҳим омили эканлиги эътироф этилди ва Қипчоқ ШФЙ нуронийлари билан 11-сон мактаб ўқувчилари ҳамда “Тараққиёт кўзгуси” газетаси таҳририяти ижодий жамоаси ҳамкорликда “Маънавият куни” доирасида тез-тез тадбирлар ўтказиб туриш ёшлар маънавиятини юксалтиришда муҳим омил эканлиги таъкидланди.

Шу куни “Нуроний” жамғармаси туман бўлими томонидан “сайёр китоб карвони” тадбири ҳам ўтказилиб, ўқувчи-ёшлар “Нуроний” жамғармаси туман бўлими қошидаги кутубхонага аъзо бўлдилар ва ўзларига манзур китобларни мутолаа қилиш учун танлаб олдилар.

P.ЙЎЛДОШЕВА.