ДЕПУТАТ ТАШАББУСИ БИЛАН “ЖАҲОЛАТГА ҚАРШИ - МАЪРИФАТ” МАВЗУСИДА ТАДБИР ЎТКАЗИЛДИ
Ўтган асрнинг 79-89-йилларини ҳали-ҳануз халқимиз дард-алам билан эслайдилар. Азобли хотиралар тилга кирганида машъум ўн йилга “қора кунлар”, дея таъриф беришади. Чунки айнан шу йилларда қардош Афғонистон заминида собиқ СССРнинг чекланган ҳарбий қисмлари контингенти ўша пайтдаги Афғонистон Демократик Республикаси (кейинчалик Афғонистон ислом республикаси) қуролли кучлари билан биргаликда халқаро террорчилик тўдаларига қарши уруш олиб борар, Марказий Осиё Республикалари ҳудудидан кўплаб навқирон йигитлар ҳам ўзга юртда жон олиб-жон беришарди, Амударё туманидан 13 нафар 18-20 ёшли навқирон йигитлар ана шу Афғонистон заминидаги қақшатқич жангларда қурбон бўлдилар.
Жорий йилнинг 15 февраль санасида Афғонистонда собиқ совет қўшинларининг ҳарбий ҳаракатлари тугатилганига 34 йил тўлиши муносабати билан Амударё туманидаги кўплаб идора ва жамоат ташкилотларида Афғон уруши иштирокчилари билан учрашувлар, маънавий-маърифий тадбирлар бўлиб ўтди.
Ана шундай тадбирлардан бири Манғит шаҳридаги 16-сонли Ихтисослаштирилган давлат умумтаълим мактабида ҳам ўтказилди. “Жаҳолатга қарши - маърифат” мавзусида ўтказилган мазкур тадбирни халқ депутатлари Амударё туман Кенгаши депутати Ойбек Бегимов ташкиллаштирди ва олиб борди.
Учрашув тадбирида Афғонистон заминида халқаро террорчилик тўдаларига қарши курашда иштирок этган Мамбатсолий Абдуллаев, Баҳодир Жуманиёзов, Озодбой Хўжаниёзовлар ташаббуси билан туманнинг турли ҳудудларида истиқомат қилувчи собиқ афғончи фахрий-жангчилар таклиф этилиб, ўқувчи-ёшлар билан дилдан мулоқот қилиш муҳити яратилди.
Учрашув давомида фахрий жангчилар ўқувчиларга Афғонистон заминида ўзлари бошларидан кечирган қонли воқеалар, бемаврид хазон бўлган қуролдош дўстлари ҳақидаги хотираларидан сўзлаб бердилар. Айниқса, Мамбатсолий Абдуллаев ва Озодбой Хўжаниёзовлар мамлакатимизда ёшларнинг қобилият ва иқтидорларини намоён этишлари учун барча соҳаларда зарур шарт-шароитлар яратилганини, бугунги ёшларнинг ўқиб-изланишдан бошқа ташвишлари йўқлигини, мамлакатимиздаги тинчлик-осойишталикнинг қадрига етиш зарурлигини айтишиб, туманимиздан мазкур урушга кетиб, бемаврид шаҳид бўлган 13 нафар йигитнинг номларини, уларнинг қаҳрамонликларини бирма-бир ёдга олишди. Ана шу фидойи жангчилар хотираси олдида ҳар биримиз қарздорлик ҳисси билан яшашимиз, она Ватанга муносиб хизмат қилишимиз, тинчлигимизни кўз қорачиғидек асраш бурчимиз эканлигини ёшларга қайта-қайта таъкидладилар.
Ўз навбатида ўқувчи-ёшлар фахрий жангчиларга ўзларини қизиқтирган саволларни беришди ва дилдан, самимий мулоқотда бўлишди. Айниқса, ўқувчи-ёшлар фахрий-жангчиларнинг жанггоҳлардаги хотираларидан ниҳоятда таъсирландилар, ҳар қандай вазиятда ҳам она Ватанга содиқлик туйғуси билан яшаш, жаҳолатга қарши кучли маърифат билан жавоб беришга ҳар лаҳзада тайёр туриш зарурлигини қалбан ҳис этдилар.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
