ПАНДЕМИЯГА ҚАPШИ КУPАШ ЧОPАЛАPИ КУЧАЙТИPИЛМОҚДА
Бугунги кунда коронавирус инфекцияси тарқилишининг янада фаоллашуви кузатилмоқда. Афсуски, Амударё туманида ҳам коронавирус билан касалланиш ҳолатлари қайд этилди. Шу сабабли туманимиз 2020 йил 8 июль санасидан бошлаб карантин даражаси бўйича “Қизил” тоифага ўтказилди. Қолаверса, Pеспублика махсус комиссияси қарори билан 10 июлдан 1 августга қадар республика бўйича қатор карантин чекловлари жорий этилди.
Туман Санитария Эпидемиология Осойишталик Марказида касаллик ўчоқларида ва касалликнинг олдини олиш чора-тадбирларини ўтказиш учун махсус ҳимоя кийимлари, дезинфекцияловчи моддалар ва воситалар билан етарли таъминланди ҳамда захираси яратилди. Айни кунда Марказ ходимлари кучайтирилган тартибда ишга жалб этилиб, мавжуд техника воситалари ва қўшимча жалб этилган техникалар ёрдамида барча ҳудудларда профилактик дезинфекциялаш ишлари олиб борилмоқда. Коронавирус касаллигиниг олдини олиш, эпидемияга қарши режалаштирилган ва олиб борилаётган тадбирларни кучайтириш учун Санитария-эпидемиологик осойишталик марказига карантин даврида туман Аҳоли бандлигига кўмаклашиш маркази томонидан дезинфекциялаш тадбирларини амалга ошириш учун кўшимча 49 нафар ишчи жалб этилиб, тиббиёт ва бошқа ходимлардан иборат ишчи гуруҳлари ташкил этилди. Ишчи гурҳлари дезинфекциловчи моддалар, ҳимоя комбинизонлари ҳамда дезинфекция қилиш воситалари билан тўлиқ таъминланди.
Ташкил этилган отрядлар томонидан ҳар куни Манғит Деҳқон бозори ва буюм бозори, овул ва маҳаллалар ҳудудидаги умумжамоат жойлари, озиқ-овқат, маиший хизмат объектлари, кўп қаватли уйлар ва болалар майдончалари, хизмат кўрсатиш ташкилот ва корхоналарида, дизенфекциялаш ўз муддатларида олиб борилмоқда. Туман ҳудудига кириб келувчи йўлларда ташкил этилган 3 та постлардан ўтувчи автотранспорт васиталарини дезинфекция қилиш тадбирлари олиб борилмоқда. Туманга кириб келувчи постларда автомобилларни автоматик дезинфекция тунеллари ташкил қилиниб, дезинфекцияловчи эритмалари билан узлуксиз таъминлаб борилмоқда.
Марказ томонидан Манғит деҳқон бозоридаги савдо расталарида, ички ҳудудида дизенфекциялаш ишлари олиб борилмоқда.
Тумандаги буюм бозори, хизмат кўрсатувчи ташкилотлар, корхона ва муассасаларда шунингдек туман ҳудудига кириб келувчи йўлларда ташкил этилган постлар фуқароларнинг тана ҳароратини масофадан ўлчаш учун электр термометрлар билан етарли даражада таъминланган. Шунингдек Деҳқон бозори, буюм бозори ҳамда тижарот банкларига кириш жойига дезинфекция туннеллари ташкил этилиб, дезинфекцияловчи воситаси билан тўлиқ таьминланди.
Ўзбекистон Pеспубликаси Бош Давлат санитария врачи томонидан тасдиқланган “COVID-19 пандемияси даврида чеклаш тадбирлари қўлланиши шароитида давлат идоралари ва бошқа ташкилотлар, шунингдек тадбиркорлик субъектларининг фаолиятини ташкил қилиш тўғрисидаги вақтинчалик санитария-қоида ва меъёрлари”га мувофиқ тумандаги ишлаб чиқариш корхоналари ва саноат корхоналарига Амударё туман Санитария Эпидемиология Осойишталик Марказиинг тегишли санитария талабномалари берилди.
Коронавирус инфекциясига қарши Санитария Эпидемиология Осойишталик марказининг мутахассислари томонидан тарғибот ишлари ўтказилиб, плакатлар, эслатмалар, буклетлар тарқатилмоқда. Ҳозирги кунда эпидемияга қарши кучайтирилган чора-тадбирлар давом эттирилмоқда.
О.PАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
