Орол денгизининг қуриган тубига саксовул экиш ишларида амударёликлар ҳам фаол иштирок этишаяпти
Ўзбекистон Pеспубликаси Президенти Шавкат Мирзиёев ўтган йилнинг 16-17 ноябрь кунлари Қорақалпоғистонга ташрифи пайтида Орол денгизининг қуриган ҳудудида 2019-2020 йилларда 500 минг гектар майдонда саксовулзор барпо этиш юзасидан топшириқ берган эди.
Бугунги кунда Орол муҳтарам Президентимизнинг ушбу топшириғини бажариш юзасидан Орол денгизи ўрнида кўламли ишлар амалга оширилаяпти.
Бу ишда мамлакатимизнинг турли вилоятларидан келган кўплаб ишчи ва механизаторлар жонбозлик намуналарини кўрсатишмоқда. Улар орасида бизнинг туманимиздан ҳам кўплаб механизаторлар меҳнат қилишаяпти.
Биз Орол денгизининг қуриган ҳудудида саксовул экишда фаол иштирок этаётган амударёликлар билан телефон орқали боғландик.
– Орол денгизининг қуриган ҳудудида ташкил этилган 2-штаб ҳисобида Амударё туманидан 12 нафар механизатор меҳнат қилаяпмиз, – дейди “Амударё агромаштранс МТП” МЧЖ механизатори Содиқ Қурбонбоев. – Биз “Магнум-167” ва “Магнум-126” русумли таркторларимиз билан ерни чизеллаб бераяпмиз. Ундан кейин бу ерларга АН-2 самолёти ёрдамида саксовул уруғи сепилаяпти. Бу ерда иш жараёни кун сайин авж олаётгани бизнинг ғайрату шижоатимизни ошираяпти. Бу ерга мен билан бирга келган касбдошларим Мадрим Қўчқоров, Pустам Қурбонбоев ва Жавлон Қўчқоровлар ҳам фидокорона меҳнат қилмоқдалар. Биз ўзимизга берилган топшириқни қисқа муддатларда амалга оширишга ҳаракат қилаяпмиз.
Биз юртдошларимизнинг Орол фожиаси оқибатларини бартараф этиш йўлидаги ҳаракатларида ғайрату шижоат тилаймиз.
А.Жуманиёзов.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
