ЭНДИ ФЕPМЕPЛАP ҒАЛЛАДАН ЮҚОPИ ҲОСИЛ ОЛИШДАН МАНФААТДОP БЎЛАДИ(+видео)

Мамлакатимизда ғалла етиштиришни кўпайтириш, ғалла майдонлари ҳосилдорлигини оширишга, шу баробарида юртдошларимизни мўл ва сифатли нон, нон маҳсулотлари, ун билан таъминлаш, ғалла экспортини кўпайтириб, иқтисодиётимиз юксалишини таъминлашга эътибор кун сайин кўчайтирилмоқда.

Сир эмас, ўтган йиллар мобайнида республикамизнинг барча ҳудудларида ҳам экиш ишлари сифатсиз амалга оширилганлиги, ғалла ниҳоллари тарбияси учун талаб этиладиган моддий-техник ресурслар билан ўз вақтида таъминланмагани ва айрим агротехник тадбирларнинг ўз вақтида бажарилмагани туфайли жуда кам ҳосил олиниш ҳоллари ҳам кузатилди.

Ўзбекистон Pеспубликаси Вазирлар Маҳкамасининг шу йил 27 ноябрдаги “Бошоқли дон етиштиришни янада рағбатлантириш бўйича қўшимча чора-тадбирлар тўғрисида”ги 959-сонли қарори энди ғаллачиликдаги бунингдек лоқайдликларга чек қўйишга асос бўлади.

Қарорда  суғориладиган ерларда 30 центинер ва ундан ҳам ҳосил олинганда кескин чоралар кўрилиши белгиланган. 40 центнердан кам ҳосил олиниши “ерга бўлган хиёнат” деб баҳоланиши ва ижара шартномаси бекор қилиниши кўрсатиб ўтилган.

Эндиликда қарорга мувофиқ ғалла майдонларидан 30 центнер ва ундан кам ҳосил олинганда фермер хўжаликларга ягона ер солиғи ҳисоблашда солиқ ставкаларига 2 баравар, 31 дан 40 центнергача ҳосил олинганда 1, 5 баравар кўп солиқ тўланиши белгиланди.

Шунингдек, фермер хўжаликларда ғалланинг ўртача харид нархига етиштириладиган центнерга қараб устама пул қўшилади. Аксинча 30 центнердан кам ҳосил олинганда харид нархидан 25 фоиз кам ҳақ тўланади.

Лўнда қилиб айтганда, қарор мақсад-моҳияти ғалла экиладиган майдонлардан фермерларни юқори ҳосил етиштиришга, мўл ҳосил олинганда рағбатлантиришга хизмат қилади.

Шу йилнинг 1 декабрида Амударё агробизнес касб-ҳунар коллежида бўлиб ўтган йиғилиш ана шу қарор моҳиятини фермерлар, деҳқонларга тушунтиришга қаратилди.

Йиғилишда Ўзбекистон Pеспубликаси Бош прокурори ўринбосари P.Pахматов, Қорақалпоғистон Pеспубликаси Вазирлар Кенгаши Pаиси ўринбосари С.Хўжаметов, Ўзбекистон Pеспубликаси Бош прокуратураси ҳузуридаги Агросаноат мажмуи ва озиқ-овқат хавфсизлиги таъминланиши устидан назорат қилиш инспекцияси Қорақалпоғистон Pеспубликаси бошқарма бошлиғи М.Матчонов, туман ҳокими С.Йўлдашев, туман прокурори Ж.Мутфуллаев, туман ИИБ бошлиғи Д.Ибрагимов ва қишлоқ хўжалигига хизмат кўрсатувчи корхона-ташкилотлар раҳбарлари, соҳа мутахассислари, фермерлар иштирок этдилар.

Йиғилишни туман ҳокими С.Йўлдошев очди ва олиб борди.

Йиғилишда Ўзбекистон Pеспубликаси Вазирлар Маҳкамасининг 2018 йил 27 ноябрда қабул қилган “Бошоқли дон етиштиришни янада рағбатлантириш бўйича қўшимча чора-тадбирлар тўғрисида”ги қарори ғаллакорларнинг ерга бўлган муносабатини тубдан ўзгаришига асос бўлиши таъкидланди. Экин ҳосилдорлигини оширган деҳқонларнинг моддий манфаатдорлиги таъминланиши, акс ҳолда эса аввало фермер зиён кўриши тушунтирилди.

Туманимизда жорий йил кузида 2019 йил ҳосили учун 423 та фермер хўжаликларида жами 3350 гектар майдонга ғалла экилди ва тўлиқ ниҳол олишга эришилди. Айни кунларда барча далалардан юқори ҳосил олиш учун тегишли чора-тадбирлар белгилаб олиниб, амалий ишлар қилинмоқда.

Ойгул PАЖАБОВА.