ENDI FEPMEPLAP GʻALLADAN YuQOPI HOSIL OLIShDAN MANFAATDOP BOʻLADI(+video)

Mamlakatimizda gʻalla yetishtirishni koʻpaytirish, gʻalla maydonlari hosildorligini oshirishga, shu barobarida yurtdoshlarimizni moʻl va sifatli non, non mahsulotlari, un bilan taʼminlash, gʻalla eksportini koʻpaytirib, iqtisodiyotimiz yuksalishini taʼminlashga eʼtibor kun sayin koʻchaytirilmoqda.

Sir emas, oʻtgan yillar mobaynida respublikamizning barcha hududlarida ham ekish ishlari sifatsiz amalga oshirilganligi, gʻalla nihollari tarbiyasi uchun talab etiladigan moddiy-texnik resurslar bilan oʻz vaqtida taʼminlanmagani va ayrim agrotexnik tadbirlarning oʻz vaqtida bajarilmagani tufayli juda kam hosil olinish hollari ham kuzatildi.

Oʻzbekiston Pespublikasi Vazirlar Mahkamasining shu yil 27-noyabrdagi “Boshoqli don yetishtirishni yanada ragʻbatlantirish boʻyicha qoʻshimcha chora-tadbirlar toʻgʻrisida”gi 959-sonli qarori endi gʻallachilikdagi buningdek loqaydliklarga chek qoʻyishga asos boʻladi.

Qarorda  sugʻoriladigan yerlarda 30 tsentiner va undan ham hosil olinganda keskin choralar koʻrilishi belgilangan. 40 tsentnerdan kam hosil olinishi “yerga boʻlgan xiyonat” deb baholanishi va ijara shartnomasi bekor qilinishi koʻrsatib oʻtilgan.

Endilikda qarorga muvofiq gʻalla maydonlaridan 30 tsentner va undan kam hosil olinganda fermer xoʻjaliklarga yagona yer soligʻi hisoblashda soliq stavkalariga 2 baravar, 31 dan 40 tsentnergacha hosil olinganda 1, 5 baravar koʻp soliq toʻlanishi belgilandi.

Shuningdek, fermer xoʻjaliklarda gʻallaning oʻrtacha xarid narxiga yetishtiriladigan tsentnerga qarab ustama pul qoʻshiladi. Aksincha 30 tsentnerdan kam hosil olinganda xarid narxidan 25 foiz kam haq toʻlanadi.

Loʻnda qilib aytganda, qaror maqsad-mohiyati gʻalla ekiladigan maydonlardan fermerlarni yuqori hosil yetishtirishga, moʻl hosil olinganda ragʻbatlantirishga xizmat qiladi.

Shu yilning 1-dekabrida Amudaryo agrobiznes kasb-hunar kollejida boʻlib oʻtgan yigʻilish ana shu qaror mohiyatini fermerlar, dehqonlarga tushuntirishga qaratildi.

Yigʻilishda Oʻzbekiston Pespublikasi Bosh prokurori oʻrinbosari P.Paxmatov, Qoraqalpogʻiston Pespublikasi Vazirlar Kengashi Paisi oʻrinbosari S.Xoʻjametov, Oʻzbekiston Pespublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspektsiyasi Qoraqalpogʻiston Pespublikasi boshqarma boshligʻi M.Matchonov, tuman hokimi S.Yoʻldashev, tuman prokurori J.Mutfullayev, tuman IIB boshligʻi D.Ibragimov va qishloq xoʻjaligiga xizmat koʻrsatuvchi korxona-tashkilotlar rahbarlari, soha mutaxassislari, fermerlar ishtirok etdilar.

Yigʻilishni tuman hokimi S.Yoʻldoshev ochdi va olib bordi.

Yigʻilishda Oʻzbekiston Pespublikasi Vazirlar Mahkamasining 2018-yil 27-noyabrda qabul qilgan “Boshoqli don yetishtirishni yanada ragʻbatlantirish boʻyicha qoʻshimcha chora-tadbirlar toʻgʻrisida”gi qarori gʻallakorlarning yerga boʻlgan munosabatini tubdan oʻzgarishiga asos boʻlishi taʼkidlandi. Ekin hosildorligini oshirgan dehqonlarning moddiy manfaatdorligi taʼminlanishi, aks holda esa avvalo fermer ziyon koʻrishi tushuntirildi.

Tumanimizda joriy yil kuzida 2019-yil hosili uchun 423 ta fermer xoʻjaliklarida jami 3350 gektar maydonga gʻalla ekildi va toʻliq nihol olishga erishildi. Ayni kunlarda barcha dalalardan yuqori hosil olish uchun tegishli chora-tadbirlar belgilab olinib, amaliy ishlar qilinmoqda.

Oygul PAJABOVA.