ИШОНЧ – ЮТУҚЛАРНИ МУСТАҲКАМЛАМОҚДА
Айни кунда Амударё тумани фермерлари барча диққат-эътиборларини сувдан, маҳаллий ва минерал ўғитлардан оқилона фойланган ҳолда пахта ҳосилдорлигини оширишга қаратмоқдалар.
Туманнинг “Куюк-кўпир” овулидаги “Ўзбекистон” маҳалласида фаолият кўрсатаётган “Адамов Раҳмон” фермер хўжалигида ҳам асосий экин пахта ҳисобланиб, унинг парваришига алоҳида эътибор берилади. Бу йил 41 гектар пахта майдонидан 85 тонна ҳосил олишга бел боғланган хўжалик деҳқонлари шу кунгача ғўза қатор ораларига икки марта ишлов беришга муваффақ бўлдилар. Айни кунда хўжалик далаларида ғўзаларни суғориш ва озиқлантириш ишлари сифатли олиб борилаяпти.
Фермер хўжалигида 13 нафар тажрибали пудратчи фаолият кўрсатади. Уларнинг фидокорона меҳнатлари натижасида ҳар бир туп ғазада мўл ҳосил нишоналари – бўлиқ кўсаклар сони кўпаймоқда.
Пудратчиларимиздан Зулайҳо Есамуродова, Манзура Ешимбетова ва Олтиной Собировалар ғўза парваришида бошқаларга ўрнак бўлишаяпти, – дейди фермер хўжалиги раиси Гулмирза Адамов. – Уларнинг тажрибали пахтакор эканликлари ғўза парваришининг барча жабҳаларида яққол сезилиб туради. Мен уларга жуда ишонаман.
“Адамов Раҳмон” фермер хўжалиги раҳбари Гулмирза Адамов ҳамиша ўз ҳамкорларига ишонганлиги ва улар билан бамаслаҳат иш кўраётганлиги натижасида юксак марраларни эгаллаб келаётир.
А.ЖУМАНИЁЗОВ.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
