Оиладаги муҳит
Мустақиллик йилларида юртимизда оилаларни ҳар жиҳатдан мустаҳкамлаш борасида улкан ишлар амалга оширилди.
Оила ишларининг юришиши, унинг соғлом ва мустаҳкам бўлиши, оила маънавий муҳитининг мусаффолиги унинг ҳар бир аъзоси хатти-ҳаракатига боғлиқдир. Аввало ота-онанинг бир-бирларига муносабати самимий, ўзаро ҳурмат асосида қурилсагина бундай оилада мусаффо маънавий муҳит вужудга келади. Аксинча, уларнинг бир-бирига қўпол муомиласи, бетакаллуфлиги, ҳаётий қийинчиликларни енгишда, болалар тарбиясида, оиланинг моддий таъминотидаги турфа фикрлилик ўзаро муносабаларга дарз туширади. Ҳар нарсада сабрлилик, оилавий муаммоларни ўйлаб, ақл-заковат билан ҳамжиҳатликда ҳал этиш, ўзаро меҳрибонлик, фарзандларга ширин муомала, ҳар иккала томоннинг қариндош-уруғларига, қўни-қўшниларга меҳр-муҳаббат билан қараш, ҳақиқатни ахлоқ-одоб меъёрлари даражасида гапириш эса оила муҳитини поклайди. Шунингдек, ичиш, чекиш, ёлғончилик, димоғдорлик, манманлик ва бошқа шу каби иллатлардан холилик ҳам оила маданиятининг юксалишига сўзсиз ижобий таъсир кўрсатади.
Жумладан, ота-оналарнинг бир-бирига “сиз”лаб гапириши, йўлга отланганда “эсон-омон бориб келинг”, “сафарингиз бехатар бўлсин”, кутиб олганда “ҳорманг”, “яхши бориб келдингизми?” каби лутфларни ишлатиши фарзанднинг ота-онага нисбатан ҳурматини, меҳр-муҳаббатини оширади, ота-она улар учун ибрат бўлиб қолишини таъминлайди. Чунки инсоннинг энг соф ва покиза туйғулари, илк ҳаётий тушунча ва тасаввурлари биринчи галда оила бағрида шаклланади. Халқимизнинг “Қуш уясида кўрганини қилади”, деган доно мақоли мана шу азалий ҳақиқатни яққол акс эттиради.
Оила мустақиллигининг яна бир шарти – унда ҳукмронлик қиладиган маънавий муҳит билан боғлиқ. Бу муҳитнинг соғломлигига эришиш учун мамлакатимизда жуда катта ишлар олиб борилмоқда. Жумладан, ёшларни ҳам жисмонан, ҳам маънан соғлом вояга етказиш масаласига барча ташкилот ва муассасаларининг диққат-эътибори қаратилган. Бу шароитлардан тўғри фойдаланган ёшларимизнинг эришаётган ютуқлари эса ўзлари туғилиб, вояга етган оиланинггина эмас, бутун халқимизнинг, юртимизнинг ютуғидир.
Нодира Жўллибоева.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
