ФЕСТИВАЛ ЁШЛАРНИ ФАОЛЛИККА, КАМОЛОТ САРИ ДАДИЛ ИНТИЛИШГА ЧОРЛАДИ

Яқинда туманимизда аҳолининг кенг қатламлари, хусусан ёшлар ўртасида Ватанга муҳаббат ва садоқат, инсонпарварлик фазилатларини тарбиялаш, тарихий хотира, миллий ғурур, комил инсон тарбияси билан боғлиқ туйғу ва тушунчаларни ёш авлод қалбига сингдириш, ёшларнинг дунёқараши ва фикрлаш доирасини янада кенгайтириш, уларнинг маънавий баркамол шахс бўлиб, жамиятда ўз ўринларини топишлари ҳамда ўзлари қизиққан соҳанинг етук мутахассислари бўлиб етишишларига кўмаклашиш, ёшларнинг бўш вақтларини мазмунли ташкил этиш, уларнинг ўз иқтидор ва истеъдодларини намоён қилишлари учун етарли шарт-шароит яратиш ва уларни қўллаб-қувватлаш мақсадида туман ҳокимлиги ва Республика Маънавият ва маърифат маркази туман бўлими ҳамкорлигида “Юксак маънавиятли авлод” ёшлар фестивали ўтказилди.

Фестивалда қуйи боқичларда сараланган 14 ёшдан 25 ёшгача бўлган ёшлар иштирок этдилар. Улар “Бадиий ижод (назм, наср, публицистика), “Ўзбекистон Республикаси Биринчи Президенти асарлари билимдони”, “Мустақиллик тарихи билимдони”, “Энг иқтидорли ҳунарманд” (ёғоч ўймакорлиги, миллий кашта, зардўзлик, заргарлик, чилангарлик, ганчгорлик, кулолчилик, миллй ўйинчоқлар ясаш) “Ўз асарларида миллийликни акс эттирган рассом”, “Ўз асарларида миллийликни акс эттирган дизайнер”, “Ватан куйчиси” (анъанавий қўшиқчилик ва эстарада) ва замонавий илм-фан йўналишидаги янгиликларни қамраб олувчи “Юксак маънавиятли авлод” номинациялари бўйича ўтказилди.

Ижодий ишлар юқори баҳоланган иштирокчилар фестивалнинг кейинги босқичида қатнашиш ҳуқуқини қўлга киритдилар.

Фестивал ёшларнинг ижодий, интелектуал салоҳияти ошишига, ўз юрти келажаги учун дахлдорлик туйғуси мустаҳкамланишига ижобий таъсир кўрсатиши шубҳасиз.

О.РАЖАБОВА