FESTIVAL YoShLARNI FAOLLIKKA, KAMOLOT SARI DADIL INTILIShGA ChORLADI
Yaqinda tumanimizda aholining keng qatlamlari, xususan yoshlar oʻrtasida Vatanga muhabbat va sadoqat, insonparvarlik fazilatlarini tarbiyalash, tarixiy xotira, milliy gʻurur, komil inson tarbiyasi bilan bogʻliq tuygʻu va tushunchalarni yosh avlod qalbiga singdirish, yoshlarning dunyoqarashi va fikrlash doirasini yanada kengaytirish, ularning maʼnaviy barkamol shaxs boʻlib, jamiyatda oʻz oʻrinlarini topishlari hamda oʻzlari qiziqqan sohaning yetuk mutaxassislari boʻlib yetishishlariga koʻmaklashish, yoshlarning boʻsh vaqtlarini mazmunli tashkil etish, ularning oʻz iqtidor va isteʼdodlarini namoyon qilishlari uchun yetarli shart-sharoit yaratish va ularni qoʻllab-quvvatlash maqsadida tuman hokimligi va Respublika Maʼnaviyat va maʼrifat markazi tuman boʻlimi hamkorligida “Yuksak maʼnaviyatli avlod” yoshlar festivali oʻtkazildi.
Festivalda quyi boqichlarda saralangan 14 yoshdan 25 yoshgacha boʻlgan yoshlar ishtirok etdilar. Ular “Badiiy ijod (nazm, nasr, publitsistika), “Oʻzbekiston Respublikasi Birinchi Prezidenti asarlari bilimdoni”, “Mustaqillik tarixi bilimdoni”, “Eng iqtidorli hunarmand” (yogʻoch oʻymakorligi, milliy kashta, zardoʻzlik, zargarlik, chilangarlik, ganchgorlik, kulolchilik, milly oʻyinchoqlar yasash) “Oʻz asarlarida milliylikni aks ettirgan rassom”, “Oʻz asarlarida milliylikni aks ettirgan dizayner”, “Vatan kuychisi” (anʼanaviy qoʻshiqchilik va estarada) va zamonaviy ilm-fan yoʻnalishidagi yangiliklarni qamrab oluvchi “Yuksak maʼnaviyatli avlod” nominatsiyalari boʻyicha oʻtkazildi.
Ijodiy ishlar yuqori baholangan ishtirokchilar festivalning keyingi bosqichida qatnashish huquqini qoʻlga kiritdilar.
Festival yoshlarning ijodiy, intelektual salohiyati oshishiga, oʻz yurti kelajagi uchun daxldorlik tuygʻusi mustahkamlanishiga ijobiy taʼsir koʻrsatishi shubhasiz.
O.RAJABOVA
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
