Муҳаммад Юсуф номи ўчмайди
Муҳаммад Юсуф номи ўчмайди
Шундай инсонлар бўладики, улар ҳақида ўтган замонда гапириш асло мумкин эмас. Негаки, улар ўзларининг чинакам бетакрор, завол бўлмас ёди билан ҳар биримизнинг қалбимизда абадий яшайди. Мана шундай инсонларнинг бири оташ қалб шоир Муҳаммад Юсуфдир.
Муҳаммад Юсуф Ватан, она юртига бўлган туйғуларини акс эттирган шеърларини бугун ҳам китобхонлар севиб ўқимоқдалар.
Ўтар қанча йиллар тўзони
Юлдузлар кўзёши самони.
Ўтар инсон яхши-ёмони
Меҳр қолур, муҳаббат қолур.
Меҳр ва муҳаббат куйчиси бўлган Муҳаммад Юсуф қисқа умри давомида бой адабий мерос қолдирди. Унинг ҳофизлар тилига тушиб қўшиқ бўлмаган шеъри йўқ ҳисоб.
Яқинда Муҳаммад Юсуф таваллуд топган кун муносабати билан 3-сон Амударё академик лицейида “Дарёдил шоир” номли адабий кеча бўлиб ўтди.
Кечани лицей маънавий-маърифий ишлар бўйича директор ўринбосари Мансур Еримбетов очиб берди. Ўқувчилар томонидан шоир ҳаёти ва ижоди тўғрисида батафсил маълумотлар берилди. Шоирнинг куйга айланган шеърларини маданият уйи ходимлари ижро этишди. Самимий услубда яратилган ижод намуналаридан лицей ўқувчилари ижро этишди. Шууримизга сингиб, қалбимиздан жой олган шоирнинг ўлмас мероси асрлар оша яшайверади.
Севара ИСМОИЛОВА,
Амударё академик лицейи ўқувчиси,
Ўзбекистон Ёшлар иттифоқи
Амударё туман етакчилар Кенгаши аъзоси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
