“БИЗ АМИР ТЕМУР АВЛОДЛАРИМИЗ” ДЕБ НОМЛАНГАН ТАДБИР ЎТКАЗИЛДИ
Жорий йилнинг 9 апрель куни 46-сонли умумтаълим мактабида “Биз Амир Темур авлодларимиз” деб номланган тадбир ўтказилди
Соҳибқирон бобомиз Амир Темур таваллудининг 682 йиллигига бағишланган ушбу тадбирда мактабнинг маънавий маърифий ишлар бўйича директор ўринбосари Баҳодир Отажонов маъруза қилди. Б. Отажонов ўз маърузасида 1336 йилнинг 9 апрелида Кешда таваллуд топган Амир Темур бобомизнинг жасур, мард ва адолатпарвар давлат арбоби бўлиб етишиши борасидаги ҳаёт йўли ҳақида гапирди.
Тадбирда мактабнинг 7А-синфи ўқувчиларидан ташкил топган “Турон” ва 7Б-синфининг “Соҳибқирон” жамоалари 5та шарт бўйича ўзаро беллашдилар. Беллашувлар давомида намойиш этилган саҳна кўриниши, ундаги Амир Темур образи тадбир иштирокчиларида катта таассурот қолдирди. Бу саҳна кўринишида Амир Темур образини яхши ярата олган 7Б-синф ўқувчиси Қувонч Ўринбоев мақтовларга сазовор бўлди.
Мактабда ўтказилган ушбу тадбир ўқувчи ёшлар қалбларида Соҳибқирон Амир Темур ворислари эканликларидан фахрланиш туйғуларини янада юксалтирди.
Гулноза АБДУЛЛАЕВА,
мактабда ташкил этилган “ Мухбирлар пости” аъзоси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
