ҚАРДОШ ХАЛҚ ИЖОДКОРИГА ЭҲТИРОМ КЎРСАТИЛДИ
Халқимиз қадимдан миллатлараро тотувлик, диний бағрикенглик, ҳамжиҳатлик билан барча миллат вакиллари тили ва эътиқодига ҳурмат туйғуси билан қарайди.
Айниқса бу борада муҳтарам Юртбошимизнинг қўшни мамлакатлар билан ўзаро дўстона алоқаларни мустаҳкамлаш борасидаги саъй-ҳаракатлари ҳар бир халқ вакилининг қалбида ватанимизга бўлган ҳурмат-эҳтиром туйғуларини мустаҳкамлайди.
Абай меросини ўрганиш, асарларини ўзбек тилига таржима қилиб, ўзбек китобхонларини ҳам Абай ижоди билан чуқур таништириш икки халқ учун ҳам манфаатли эканлигини таъкидлаган эдилар.
Шу муносабат билан 45-сон умумтаълим мактабининг қозоқ синфи ўқитувчилари “Абай доно, Абай ягона” деб номланган адабий-бадиий кеча ўтказдилар.
Кечада Абай шеърларига басталанган куй-қўшиқлар, саҳна асарлари ва ҳикматли сўзлари ўқувчилар томонидан маҳорат билан ижро этилди.
Турғонбоева Марина, Ҳайжонов Ерлан, Жангабоева Арайлимларнинг чиқишлари ҳаммада чуқур қизиқиш уйғотди.
Кечани мактабнинг қозоқ тили ва адабиёти фани ўқитувчиси Таубоева Динора ва бошланғич синф ўқитувчиси Бегмуратова Гулнурлар ташкил қилди ва олиб бордилар.
Кечага мактабнинг барча ўқитувчилари ва ўқувчилари, уларнинг ота-оналари таклиф қилинди. Улар кеча давомида Абай ижоди, ҳикматли сўзлари, ўша давр ҳаёти билан яна бир бор танишиш имконига эга бўлдилар, унинг ижодига ҳурмат ҳисси яна бир бора ошди. Кеча барча қатнашчиларга манзур бўлди.
Жумагул Қўшжонова, меҳнат фахрийси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
