ЭЪТИРОФ
Ҳар қандай давлатнинг маданияти унда яшовчи аёлларга бўлган муносабатда яққол акс этади.
Истиқлол йилларида давлатимиз томонидан хотин-қизларнинг маънавий-маърифий, ижтимоий-иқтисодий ва сиёсий ислоҳотларда фаол иштирок этишлари, ўзлигини намоён қилишлари учун кенг имкониятлар яратиб берилгани аёл-қизларнинг турли соҳаларда меҳнат қилиб, улкан ютуқларни қўлга киритишларига асос бўлаётир.
Мустақиллик йилларида қабул қилинган Ўзбекистон Республикасининг "Оила” Кодекси, Ўзбекистон Республикаси Биринчи Президенти И.А.Каримовнинг "Ўзбекистон Республикасининг давлат ва ижтимоий қурилишида хотин-қизларнинг ролини ошириш чора-тадбирлари тўғрисида”ги 1995 йил 2 мартдаги 1084-сонли Фармони, "Хотин-қизларнинг ижтимоий муҳофазасини кучайтиришга оид қўшимча чора-тадбирлар тўғрисида”ги 1995 йил 17 мартдаги 2246-сонли Фармони, "Ўзбекистон хотин-қизлар қўмитаси фаолиятини қўллаб-қувватлаш борасидаги қўшимча чора-тадбирлар тўғрисида”ги 2004 йил 25 майдаги 3434-сонли Фармони, Давлат дастурлари хотин-қизларнинг оила ва жамиятдаги мавқеини юксалтиришга, уларни ҳар томонлама қўллаб-қувватлашга, мамлакатимиз ижтимоий-сиёсий ҳаётидаги ролини кучайтиришга олиб келди, ўз қобилияти ва имкониятларини тўла рўёбга чиқаришига шароитлар яратилди.
Бунингдек улкан ижобий ўзгаришлар мамлакатимизнинг чекка ҳудудларидаги аёл-қизлар ҳаётида ҳам ўз исботини топаётгани қувончли ҳолдир.
Туманимиздаги 19-мактабнинг она тили ва адабиёти фани ўқитувчиси Муборак Сапаеванинг яқиндагина қўлга киритган ютуғи фикримизга далил бўла олади.
У 32 йиллик педагоглик тажрибасига эга устоз мураббий. Мактабда шогирдларига ўз фанини чуқур ва қизиқарли тарзда ўқитиб, болаларда она тилимизга чексиз ҳурмат ва муҳаббат уйғотиш, чуқур ўзлаштиришларига эришиш билан бирга ўзи яшайдиган ОФЙ фаолиятида ҳам фаол иштирок этади. Йиғин қошида ташкил этилган "Хотин-қизлар билан ишлаш комиссияси” раиси ҳамдир. Дарсдан бўш вақтларида овул кайвони оналари билан ёш оилалар, муаммоли оилаларда бўлиб, тинч-осуда яшаш, оила мустаҳкамлигини таъминлаш борасида суҳбатлашишдан, ёшларга йўл-йўриқ кўрсатишдан эринмайди.
Муборак Сапаева Нукус шаҳрида "Гўзал ва бетакроримсан, муқаддас Ватаним, жоним сенга фидо, Ўзбекистоним!” шиори остида ўтказилган танловнинг қуйи босқичларида ғолиб бўлган 21 та бошланғич ташкилотнинг бир етакчиси сифатида 7 та йўналишда ўтказилган "Хотин-қизлар қўмитасининг энг намунали бошланғич ташкилоти” кўрик-танловида "Энг намунали маҳалла ҳузуридаги хотин-қизлар билан ишлаш комиссияси” номинациясида ғолиб бўлиб, 1-даражали диплом билан тақдирланиб, мамлакат босқичида иштирок этиш ҳуқуқини қўлга киритган эди.
Яқинда мазкур танловнинг якуний босқичи бўлиб ўтди ва унда Муборак Сапаева ўз иқтидорини намоён этиб, фахрли учинчи ўринни эгаллади.
Бу унинг хотин-қизларнинг ижтимоий-сиёсий фаоллигини ошириш, меҳнат билан бандлигини таъминлаш, оналик ва болаликни муҳофаза қилиш, аёллар ва оилаларнинг барча манфаатларини таъминлаш борасидаги ислоҳотлар ривожи йўлидаги фидойи меҳнатлари эътирофидир.
Ойгул РАЖАБОВА.
Суратда:
М.Сапаева кўрик-танловнинг
тақдирлаш маросимида.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
