EʼTIROF
Har qanday davlatning madaniyati unda yashovchi ayollarga boʻlgan munosabatda yaqqol aks etadi.
Istiqlol yillarida davlatimiz tomonidan xotin-qizlarning maʼnaviy-maʼrifiy, ijtimoiy-iqtisodiy va siyosiy islohotlarda faol ishtirok etishlari, oʻzligini namoyon qilishlari uchun keng imkoniyatlar yaratib berilgani ayol-qizlarning turli sohalarda mehnat qilib, ulkan yutuqlarni qoʻlga kiritishlariga asos boʻlayotir.
Mustaqillik yillarida qabul qilingan Oʻzbekiston Respublikasining "Oila” Kodeksi, Oʻzbekiston Respublikasi Birinchi Prezidenti I.A.Karimovning "Oʻzbekiston Respublikasining davlat va ijtimoiy qurilishida xotin-qizlarning rolini oshirish chora-tadbirlari toʻgʻrisida”gi 1995-yil 2-martdagi 1084-sonli Farmoni, "Xotin-qizlarning ijtimoiy muhofazasini kuchaytirishga oid qoʻshimcha chora-tadbirlar toʻgʻrisida”gi 1995-yil 17 martdagi 2246-sonli Farmoni, "Oʻzbekiston xotin-qizlar qoʻmitasi faoliyatini qoʻllab-quvvatlash borasidagi qoʻshimcha chora-tadbirlar toʻgʻrisida”gi 2004-yil 25 maydagi 3434-sonli Farmoni, Davlat dasturlari xotin-qizlarning oila va jamiyatdagi mavqeini yuksaltirishga, ularni har tomonlama qoʻllab-quvvatlashga, mamlakatimiz ijtimoiy-siyosiy hayotidagi rolini kuchaytirishga olib keldi, oʻz qobiliyati va imkoniyatlarini toʻla roʻyobga chiqarishiga sharoitlar yaratildi.
Buningdek ulkan ijobiy oʻzgarishlar mamlakatimizning chekka hududlaridagi ayol-qizlar hayotida ham oʻz isbotini topayotgani quvonchli holdir.
Tumanimizdagi 19-maktabning ona tili va adabiyoti fani oʻqituvchisi Muborak Sapayevaning yaqindagina qoʻlga kiritgan yutugʻi fikrimizga dalil boʻla oladi.
U 32 yillik pedagoglik tajribasiga ega ustoz murabbiy. Maktabda shogirdlariga oʻz fanini chuqur va qiziqarli tarzda oʻqitib, bolalarda ona tilimizga cheksiz hurmat va muhabbat uygʻotish, chuqur oʻzlashtirishlariga erishish bilan birga oʻzi yashaydigan OFY faoliyatida ham faol ishtirok etadi. Yigʻin qoshida tashkil etilgan "Xotin-qizlar bilan ishlash komissiyasi” raisi hamdir. Darsdan boʻsh vaqtlarida ovul kayvoni onalari bilan yosh oilalar, muammoli oilalarda boʻlib, tinch-osuda yashash, oila mustahkamligini taʼminlash borasida suhbatlashishdan, yoshlarga yoʻl-yoʻriq koʻrsatishdan erinmaydi.
Muborak Sapayeva Nukus shahrida "Goʻzal va betakrorimsan, muqaddas Vatanim, jonim senga fido, Oʻzbekistonim!” shiori ostida oʻtkazilgan tanlovning quyi bosqichlarida gʻolib boʻlgan 21 ta boshlangʻich tashkilotning bir yetakchisi sifatida 7 ta yoʻnalishda oʻtkazilgan "Xotin-qizlar qoʻmitasining eng namunali boshlangʻich tashkiloti” koʻrik-tanlovida "Eng namunali mahalla huzuridagi xotin-qizlar bilan ishlash komissiyasi” nominatsiyasida gʻolib boʻlib, 1-darajali diplom bilan taqdirlanib, mamlakat bosqichida ishtirok etish huquqini qoʻlga kiritgan edi.
Yaqinda mazkur tanlovning yakuniy bosqichi boʻlib oʻtdi va unda Muborak Sapayeva oʻz iqtidorini namoyon etib, faxrli uchinchi oʻrinni egalladi.
Bu uning xotin-qizlarning ijtimoiy-siyosiy faolligini oshirish, mehnat bilan bandligini taʼminlash, onalik va bolalikni muhofaza qilish, ayollar va oilalarning barcha manfaatlarini taʼminlash borasidagi islohotlar rivoji yoʻlidagi fidoyi mehnatlari eʼtirofidir.
Oygul RAJABOVA.
Suratda:
M.Sapayeva koʻrik-tanlovning
taqdirlash marosimida.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
