ТУМАНИМИЗ ОБОД ВА ФАРОВОН ГЎШАГА АЙЛАНМОҚДА

Энг улуғ, энг азиз байрамимиз – Ўзбекистон Республикаси Мустақиллигининг 25 йиллиги тобора яқинлашмоқда. Бу қутлуғ сана олдидан шу давр мобайнида босиб ўтган йўлимизни, юртимизда амалга оширилган катта бунёдкорлик ишларини сарҳисоб қилар эканмиз, истиқлол йилларида  туман Ободонлаштириш бошқармаси фаолиятида жуда катта ўзгаришлар ва янгиланишларга эришилганлигининг гувоҳи бўламиз. Ободонлаштириш бошқармаси Мустақиллик йилларигача "Район Коммунал фойдаланиш бошқармаси” номи билан юритилиб келинган бўлиб, 1998 йилдан  "Коммунал хизмат” ташкилоти номи билан аталган. Шу йиллар  оралиғида ташкилотда 32 нафардан ортиқ ишчи-ходимлар меҳнат қилган бўлса, бугунги кунга келиб бошқармада 156 нафардан зиёд ишчи-ходимлар фаолият кўрсатиб келишмоқда. Қорақалпоғистон Республикаси Вазирлар Кенгашининг 2003 йил 27 июнь кунги 138/3-сонли, туман ҳокимининг 2003 йил 30 июнь кунги 343-сонли "Шаҳар ва туманлар Ободонлаштириш бошқармаларини ташкил этиш ҳақида”ги   қарорлари билан туман Ободонлаштириш бошқармаси ташкил этилиб, туман ҳокимлиги тасарруфига олинди. 2009-2012 йиллар мобайнида бошқарманинг моддий техника базасини мустаҳкамлаш учун 679 млн. 330 минг сўмлик 9 дона замонавий махсус авто-транспорт воситалари – 1 дона экскаватор-погрузчик трактори,  1 та  сув сепиш машинаси,  1 та ахлат ташувчи машина, 1 та  ичимлик суви ташувчи машина, 3 та транспорт трактори, 1 та кран манипулятор, 1 та "Дамас” русумли автомашиналари билан таъминланди. Ушбу техникалар ёрдамида кўчаларда ободонлаштириш, кўкаламзорлаштириш ишлари сифатли бажарилиб келинмоқда.

Ўзбекистон Республикаси Президенти Фармонлари, Вазирлар Маҳкамасининг соҳани ривожлантиришга оид турли йиллардаги қарор ва фармойишларига асосан туман Ободонлаштириш бошқармаси тасарруфидаги бино ва иншоотлар ҳудудларида олиб борилган ободонлаштириш ишлари боис, мустақиллик йилларида нафақат Манғит шаҳри, балки туманимиз овуллари қиёфаси тубдан ўзгарди. Яшил майдонлар янада кенгайди.

Ўзбекистон Республикаси Вазирлар Маҳкамасининг 2011 йил 4 апрель кунги 101-сонли, туман ҳокимининг 2012 йил 30 март кунги 171-сонли қарорига асосан тумандаги мавжуд 75 та қабристон Ободонлаштириш бошқармаси ихтиёрига ўтказилиб, хайрия қутилари ташкил этилди, 25 та қабристонда ободонлаштириш ишлари олиб борилди ва намунавий ҳолатга келтирилди. Қолган барча қабристонларда кенг қамровли ободонлаштириш ишлари олиб борилмоқда.

Ўзбекистон Республикаси Вазирлар Маҳкамасининг 2013 йил 10 январдаги 4-сонли, Қорақалпоғистон Республикаси Вазирлар Кенгашининг 2013 йил 14 январдаги 17-сонли ҳамда туман ҳокимининг 2013 йил 26 январь кунги 59-сонли "Республика аҳоли пунктларини ободонлаштириш ишларини ташкил этишни такомиллаштириш чора-тадбирлари тўғрисида”ги қарорига асосан туман Ободонлаштириш бошқармаси қайта ташкил этилди.

Ўзбекистон Республикаси Вазирлар Маҳкамасининг 2013 йил 3 декабрдаги 315-сонли "Республика аҳоли пунктларида санитария жиҳатидан тозалаш тизимини ривожлантириш ва такомиллаштириш чора-тадбирлири тўғрисида”ги қарорига асосан туманда  2014-2015 йиллар давомида 351 та чиқинди тўплаш пунктлари қурилди.  Ўрта қалъа овули ҳудудидаги 9,9 гамайдондаги чиқинди ташлаш полигонини ҳимоя деворлари билан ўраш ишлари  режалаштирилган.

Туман ҳудудидаги барча аҳоли пунктларида, кўчаларда ободонлаштириш, кўкаламзорлаштириш ишларини сифатли олиб бориш  орқали туманимизни фаровон ва обод гўшага айлантириш – Ободонлаштириш бошқармаси ишчи-хизматчиларининг зиммасидаги масъулиятли вазифадир.