ЎРГАНИБ, ЎРГАТАЙЛИК

Жорий йилнинг февраль ойида туман ХТМФМТТЭБ томонидан келажагимиз эгалари бўлган ёшларимизнинг таълим олиши ва уларга таълим бериш сифатини янада яхшилаш борасида барча таълим муассасалари ўртасида белгиланган жадвал асосида "Ўрган-ўргат” тадбирини амалга ошириш режаси ишлаб чиқилган эди. Ушбу чора-тадбир режасига кўра ҳар бир умумтаълим мактаби қўшма буйруқ асосида тажриба алмашиш, билмаганини ўрганиш, билганларини ўргатиш ишларини амалга оширмоқда. Чунончи, 2-сонли ва 21-сонли умумтаълим мактаблари ўқитувчиларининг дарс ўтиш ва дарс таҳлил қилиш ишларини белгиланган жадвал  асосида олиб бораётганликлари боис, уларнинг бу ишини ота-оналар ҳам қўллаб-қувватламоқдалар.

Ҳар бир ўқитувчининг ўзга мактабда дарс ўтиб, дарс таҳлил қилиб келиши шу мактабдан олган таассуротларини, ўргатган ва ўрганиб келганларини бутун жамоа орасида таҳлил қилиши кўзланган натижаларни бермоқда. Қўшма буйруқ асосида бизга бириктирилган 2-сонли мактаб ўқитувчиларига дарс ўтишлари учун барча шароитлар яратиб бердик. Бу тадбир ҳар бир ўқитувчининг ўзини кўрсатиши, касб маҳоратини ошириши учун энг қулай имкониятдир.  Шу тадбирда фаол қатнашиб келаётган ўқитувчиларимиз талайгина. Лекин дарс ўтиш услублари эскирган, ҳалигача "уйқудан уйғонмаган” ўқитувчилар ҳам борлиги сир эмас.

Мен шу фурсатдан фойдаланиб барча ҳамкасбларимга "Ўрган-ўргат” тадбирини муваффақиятли амалга оширишда куч-қувват тилаб, сифатли таълим берадиган, ҳамиша уйғоқ бўладиган замон келди, биз ўқитувчилар Ўзбекистондай келажаги буюк давлат равнақи ва эртанги куни учун масъул эканлигимизни унутмайлик, дегим келади.

Азиз ҳамкасблар!

Мустақил бу кўркам замонда,

Аввалгидек юришни қўйинг.

Куним ўтса бўлди-ку дея,

Ойлик учун яшашни қўйинг.

"Эски ҳаммом ҳамда эски тос”, -

Деган сўзлар орқада қолсин.

Яшанг Сиз ҳам замонага мос,

Аввалгидек юришни қўйинг.

Т.ДОСЧАНОВ, 21-сонли мактаб директори.

(Фото - http://uza.uz)