ИНСОН ҚАДР-ҚИММАТИ ҲАР НАРСАДАН АЗИЗ
Халқимизнинг фақат ўзигагина хос ўзаро меҳр-оқибат, ҳамжиҳатлик, яхши кунларда дўст-биродарларнинг қувончига шерик бўлишдек олижаноб одатлари борки, улар ҳар биримизнинг ҳаётимизга ўзига хос зеб беради, маъно-мазмун бахш этади.
Мен меҳнат қилаётган "Amudaryotex” хорижий корхонасида 400 нафардан зиёд киши бир ота-она фарзандларидай аҳил меҳнат қилишмоқда.
Корхонамиз маъмурияти бизнинг унумли ишлашимиз учун барча шароитларни яратиб қўйибди.
Бундан ташқари, йилнинг ҳар бир қутлуғ кунларида, байрамларда ишчи-хизматчилар корхона маъмурияти томонидан тўкин дастурхон атрофида меҳмон қилинади, хурсандчилигимизни бирга баҳам кўрамиз.
Яқинда, 8 март – Халқаро хотин-қизлар куни муносабати билан ҳам ана шундай файзли тадбир бўлиб ўтди. Айниқса, корхона ўз фаолиятини бошлаган илк кунлардан иш бошлаган Адолат опа Маткаримовани пенсияга кузатиш маросими ёш ишчи-хизматчилар учун ибрат намунаси бўлди.
Опага корхонамиз бош директори Санжар Вафоев эсдалик совғасини топшираётиб, узоқ умр, бахт-саодат, мустаҳкам соғлик тилади ва барчага ҳам эъзоз-эътиборда юриб, пенсия ёшигача ишлаб, корхона нуфузини кўтаришга ҳисса қўшиш насиб этсин, дея таъкидлади.
Бу биз ёшларни янада куч-ғайрат билан меҳнат қилишга чорлади.
Мен асли Қўнғирот туманида туғилиб-ўсдим. Тақдир тақозоси билан "Ўрта қалъа” овулига келин бўлиб тушганман. Энг замонавий технологиялар билан жиҳозланган корхонада, ана шундай ажойиб инсонлар билан бир сафда меҳнат қилаётганимдан жудаям хурсандман ва ҳар бир иш куним мен учун жуда мазмунли ўтади.
Насиба ЕМБЕРГЕНОВА,
"Amudaryotex” хорижий корхонаси ишчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
