КОНСТИТУЦИЯ – ИСТИҚЛОЛИМИЗНИНГ ПОРЛОҚ, ҲАЁТБАХШ ҚУЁШИ
Конституциямиз мустақиллигимизнинг меваси, янги миллий давлатимизнинг ҳуқуқий пойдевори, халқимиз манфаатларини кўзловчи, инсон ҳақ-ҳуқуқлари ва эркинликларини, озодлиги, шаъни ва қадр-қимматини муҳофаза қилувчи ҳамда юксакларга кўтарувчи Бош қомусимиз – Асосий қонунимиз бўлиб улуғланади, эъзозланади ва қадрланади. Конституциямиз мамлакатимизнинг жаҳон майдонида, дунё саҳнасида қад ростлаши, тараққий этишида, адолатли ҳуқуқий демократик давлат ва эркин фуқаролик жамиятини барпо этиш учун стратегик дастур, йўлчи юлдуз ва сўнмас маёқ бўлиб порлаб турибди. Муҳтарам Президентимиз таъкидлаганларидек, "Бизнинг Конституциямиз энг демократик, халқаро миқёсда эътироф этилган меъёр ва талабларга тўла жавоб берадиган қомусдир”.
Мустақиллик йилларида мамлакатимизда ҳеч бир таърифга сиғмайдиган мислсиз оламшумул тарихий ютуқлар, кескин бурилиш, улкан ижтимоий-сиёсий ва иқтисодий маданий-маърифий ўзгаришлар ва янгиланишлар юз берди. Бу албатта Конституциямизга суянган ва таянган давлатимизнинг одилона тўғри сиёсати, жамиятимизнинг барча соҳалари ва жабҳаларида олиб борилаётган чуқур ислоҳотлар ҳамда мамлакатимизни изчил модернизациялаш самарасидир.
Бугунги ҳаётимизда, бутун жамиятимизда Конституциямизга асосланган ҳолда қонун устуворлиги тамойилларига таяниб қатъий ва изчил олиб борилаётган давлатимиз сиёсати натижасида мамлакатимизда барқарор тинчлик ва барқарор тараққиёт, ижтимоий-иқтисодий юксалиш, миллатлараро тотувлик ва ҳамжиҳатлик, бугунги фаровон ҳаётимизнинг, халқимиз бахту-саодатининг ҳар бир шахс, ҳар бир инсон камолотининг таянчи ва кафолати бўлиб хизмат қилмоқда.
Бинобарин, бизнинг ҳар биримиз Конституциямизнинг ва унга асосланган барча Қонунларимизнинг мазмун-моҳияти ҳамда аҳамиятини тўла англаб ўрганган ва ўзлаштирган ҳолда бугунги жўшқин ҳаётда, чинакам бунёдкорлик жараёнларида фаол қатнашишимиз, фаол ҳаётий позицияни эгаллашимиз зарур. Шунда бизнинг ҳар биримиз ўз-ўзимизга "Истиқлол бизга нима берди?” – деган боқибеғамлик ва боқимандалик каби бемаъни, ғализ саволни эмас, балки биз мустақиллигимизни мустаҳкамлаш, мамлакатимиз равнақи ва юртимиз фаровонлиги учун нималар қилдик ва қандай эзгу ишлар ва амалларни бажармоқдамиз, деган баралла янгровчи юксак инсоний хислат ва овоз билан майдонга чиққан бўламиз. Биз ҳар биримиз Конституциямизнинг эзгу ғояларини изчиллик билан амалга ошириш йўлида янада шижоатли, янада мардонавор, янада самарали меҳнат қилайлик, қатъий курашайлик.
Зеро, Конституциямиз – истиқлолимизнинг порлоқ, ҳаётбахш қуёши бўлиб, мамлакатимизнинг юксак тараққиёт йўлини нурафшон қилиб турибди.
Илҳом НУРУЛЛАЕВ,
2-сонли туман давлат нотариал идораси нотариуси.
(Фото - ЎзА)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
