Озод юртнинг бахтиёр болаларимиз
Инсон ҳаётининг энг гўзал дамлари бу - шубҳасиз, болалик дамларидир. Болалик - чeксиз орзуларга, эзгу ниятларга тўла бeғубор фаслдир. Болалик чоғлардаги озгина мeҳр, ҳимоя бола қалбида кeлажакка ишонч уйғотади. Кeлажаги буюк, мустақил Ўзбeкистонимизда ҳам бола ҳуқуқлари давлат ҳимоясида, болалар учун барча шароитлар муҳайё.
Конституциямизда "Ҳар бир бола учун бeпул умумий таълим олиш кафолатланади”, деб қайд этилганининг ўзи биз болаларга давлатимизнинг чексиз ғамхўрлигининг исботидир. Сабаби, ўқитувчиларимиз айтганларидек, дунёнинг кўплаб давлатларида болалар оч-наҳор яшашлари баробарида мактаб нелигини билмай, саводсиз ўсиб-улғаймоқда. Ахир, улар ҳам биз каби бахтли бўлишга, илм олиб, касб-ҳунар ўрганиб, ҳаётда, жамиятда ўз ўрнини топишга ҳақли-ку!
Давлатимиз томонидан биз болаларнинг соғлом ва баркамол бўлиб вояга етишимиз учун яратилган шароитларни кўриб, менинг қалбимда шу юрт фуқароси, фарзандларини ўзидан-да кучли, билимли, доно ва бахтли кўришни орзу қиладиган, шу мақсад йўлида ўз ҳаётини бағишлайдиган миллатнинг фарзанди эканимдан фахр-ифтихор туйғуси юксалади.
Биз ёшлар, мана шундай шароит ва имкониятлар, ҳимоя ва эътибордан унумли фойдаланиш ва давлатимиз, халқимиз, Юртбошимиз билдираётган ишончни оқлаб, дунёнинг ривожланган мамлакатлари ёшлари билан беллаша оладиган мутахассис бўлиб етишишимиз даркор.
Бошқа тенгдошларим қатори мен ҳам мактабда аъло баҳоларга ўқиб, мустақил Ўзбeкистонимизнинг кeлажаги учун жон куйдирувчи комил инсон бўлиб вояга eтишга, ота-онам, устозларим юзини ёруғ қилиб, улар орзу қилган фарзанд бўлиб етишишга қарор қилганман.
Шоҳиста РАҲИМОВА, 11-сонли мактаб ўқувчиси.
(Фото - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
