20.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
20.11.2026, 20:19
Жамият 👁 413

Яшил майдонлар ҳудуди кенгаймоқда

Яшил майдонлар ҳудуди кенгаймоқда

Иқлим ўзгариши дунё миқёсида жиддий экологик ва ижтимоий муаммоларни келтириб чиқармоқда. Унинг салбий оқибатлари — ҳаво ҳароратининг ошиши, чўлланиш, сув ресурсларининг танқислиги ва биохилма-хилликнинг қисқариши — барча мамлакатлар, жумладан, Ўзбекистон учун ҳам жиддий муаммога айланмоқда. Бу муаммоларни юмшатиш учун энг самарали ва табиий ечимлардан бири дарахтзорларни кўпайтиришдир.

Дарахтлар табиатнинг бебаҳо неъмати бўлиб, уларнинг иқлим ўзгаришини юмшатишда тутган ўрни беқиёсдир. Улар карбонат ангидридни ўзлаштириб, кислород ишлаб чиқаради, бу эса ҳаводаги иссиқхона газлари концентрациясини камайтиради. Шаҳарлар ва қишлоқларда дарахтзорлар ёзнинг иссиқ кунларида ҳаво ҳароратини мўътадиллаштиради. Қолаверса, дарахтлар тупроқ эрозиясининг олдини олади ва сув ресурсларини сақлашга ёрдам беради. 

Шу сабабли ҳам юртимизда Президентимиз ташаббуси билан бир неча йиллардан бери “Яшил макон” умуммиллий акцияси ўтказилиб, бу ишларда жамоатчилик фаол иштирок этиб келмоқда. Мана шундай хайрли ишга ҳисса қўшиш мақсадида Қорақалпоғистон Республикаси “Нуроний” жамғармаси бошлиғи Турсунбой Абдужаббаров ва жамғарманинг Амударё тумани бўлими раҳбари Бекман Аллабергановлар бир гуруҳ маҳалла фаоллари билан биргаликда туман ҳокимлиги биноси атрофида ажратилган махсус далага дарахт кўчатларини ўтқаздилар.

Нуронийлар таъкидлаганларидек, дарахт экиш — аждодларимиздан мерос бўлган азалий қадриятлардан биридир. Халқимизнинг байрам ва маросимларида, айниқса, баҳорда ва эрта кузда кўчат экиш ишлари анъанага айланган бўлиб, бунинг замирида нафақат табиатга ҳурмат, балки келажак авлод учун қулай муҳит яратиш мақсади ҳам мужассамдир. 

Чиндан ҳам, экологик муаммоларни ҳал этишда яшил майдонларнинг аҳамияти ниҳоятда катта. Ҳар йили баҳор ва куз фаслларида “Яшил макон” умуммиллий ҳаракати доирасида мамлакатимиз бўйлаб миллионлаб дарахтлар экилиб, экологик барқарорликни таъминлашга ҳисса қўшилаётгани атроф-муҳит ҳавосининг яхшилаши ва аҳоли саломатлигининг мустаҳкамланишида муҳим омил бўлиши шубҳасиз.

“Яшил макон” умуммиллий ҳаракатида овул ва маҳаллалар аҳли ҳам ҳамжиҳатликда фаол иштирок этмоқда. Дарахтлар экиш ва боғлар барпо этиш ишларига Амударё туманининг Чойкўл овули аҳолиси ҳам ўз ҳиссаларини қўшмоқда. Фуқаролар йиғини маъмурияти, “Маҳалла еттилиги” аъзолари ва овул фаоллари Чойкўл ОФЙ биноси ҳудудидаги майдонда ҳамжиҳатлик билан маҳалла боғини барпо қилдилар. Аввало, экин майдони бегона ўтлардан тозаланиб, қондириб суғорилди. Ер тайёр бўлгач, маҳалла фаоллари кўчат экиш ишларига киришдилар. Уларга тумандаги давлат органлари ва жамоат ташкилотлари ходимлари ҳам ёрдамга келди.

Фуқаролар йиғини биноси атрофидаги махсус ажратилган майдонга мевали ва манзарали дарахтларнинг кўчатлари тартиб билан экилиб, янги боғ ташкил этилди. Бу жараёнда аҳоли бир тан-у бир жон бўлиб ҳаракат қилди. Нуроний отахон ва онахонлар, овул фаоллари ва ёшлар ўзининг фидокорона меҳнати билан маҳалла боғини яратиш ишларида фаол иштирок этдилар. 

Шуниси эътиборлики, янги боғга ҳудуднинг иқлим шароитларига мос кўчатлар танлаб экилди. Боғнинг барқарор ривожланишини таъминлаш, суғориш ва парваришлаш ишларини мунтазам ташкил қилиш мақсадида тажрибали боғбонлар бириктирилди.

“Яшил макон” умуммиллий ҳаракати доирасида туманнинг бошқа овул ва маҳаллаларида, меҳнат жамоаларида ҳам бу каби тадбирлар узлуксиз давом этмоқда. Бундай лойиҳалар нафақат экологик муҳитни яхшилаш, балки жамиятда бирлашув ва ижтимоий масъулият туйғусини шакллантиришда ҳам муҳим рол ўйнайди. 

Чойкўл овул фуқаролар йиғини маъмурий биноси ёнида боғ барпо қилишдек овул аҳолисининг ушбу хайрли ташаббуси маҳалла ҳудудини янада обод қилишга ҳисса қўшиб, келажак авлод учун соғлом ва қулай яшаш муҳитини яратиш йўлида муҳим қадам бўлади. 

Азиз юртдошлар! Ҳар биримиз ушбу ҳайрли ҳаракатда фаол иштирок этиб, табиатга бўлган масъулиятимизни амалда намоён этиш орқали уйимиз атрофида, кўчамизда ва ишхонамизда яшил майдонларни кўпайтиришга ҳисса қўшайлик!

Куз фасли — дарахтлар кўчатлари ва қаламчаларини экиш учун энг мақбул давр ҳисобланади. Бу вақтда табиат сукунатга кетар экан, дарахтлар тупроққа яхши мослашади ва келгуси йил баҳорида тез ўсишни бошлайди. Келинг, ҳар биримиз камида ўн туп дарахт кўчатини экайлик. Дарахтлар нафақат табиатнинг кўрки, балки иқлим ўзгаришининг салбий оқибатларига қарши самарали восита эканини унутмайлик. “Яшил макон” умуммиллий ҳаракатида фаол иштирок этиб, жаннатмакон диёримизни обод ва кўкаламзор гўшага айлантирайлик!

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026