IYMONGA ZIYoN YeTMASIN
Bugungi kun odamlari içida sehrgarlik, folbinlik hamda munajjimlik balosi bilan zaharlanganlar ançagina. Bu hol şu qadar keng rivoj olganki, ommaviy axborot naşrlari ham munajjimlar başoratiga alohida eʼtibor qaratib, odamlarning yulduziga qarab fol oçiş bilan ovora. Allohning kalomi, Payğambar (s.a.v)ning hadisi şariflari bir çetda qolib, odamlar şaytonga rostmana şogird tutingan folbinlarning sözlariga quloq soladilar. Yuqoridagi kabi gunohi kabiralar mavzusidagi xabarlarda bir hadis eʼtiborimizni öziga tortadi. Rasululloh (s.a.v) öz hadislarida folbinning oldiga borib, uning gapini tasdiqlagan kişi dindan çiqişini aytganlar. Nima uçun endi faqat borgan odam emas, balki borib gapini tasdiqlagan kişi? Heç öylab körganmisiz? Gap bu yerda folbinning oldiga borişda emas, balki uning gapini tasdiqlaşda, iymon haqida ketmoqda.
Folbinlarning oldiga borgan kişilar turli maqsad bilan borişadi, ularning aksari kelajagini bilişga qiziqadi. Ammo oddiy bir farosat bilan öylab körişmaydiki, borayotgan joylarida ötirgan folbin xuddi men kabi bir odam, agar folbin bölib, kelajakni bilsa, nima uçun turli konlarni topib, lotoreyalarni öynab, boyib ketmagan? Nima uçun kambağal va xor bölib yaşamoqda. Ğaybni biladigan odamga yaraşadimi bu holat? – deb öylab ham körilmagani alamli holat.
Butun olamlarni yaratgan Alloh taoloning qudrati çeksizdir. Heç bir sifatda uning misli va öxşaşi yöqdir. Ilm va qudratda ham heç kim unga barobar emasdir. Alloh taolo özining ilmi azaliysi bilan barça voqea va hodisalarni oldindan bilguvçidir. Özining hikmati bilan bandalarini imtihon qiliş uçun ğaybiy işlarni va kelajak voqealarni sir tutdi. Bunga köplab oyati karimalar dalolat qiladi. Jumladan: «Ayting: "Allohdan boşqa osmonlar va Yerdagi biror kimsa ğaybni bilmas. Ular qaçon qayta tirilişlarini ham seza olmaslar» (“Naml”surasi, 65-oyat). Boşqa bir oyatda esa bunday deyiladi: “Ğayb (yaşirin iş va narsalar) kalitlari Uning huzuridadir. Ularni Undan özga bilmas"” (Anʼom surasi, 59-oyat). Demak, Insonning kelajakdagi taqdirini va boşqa ğaybiy işlarni Allohdan boşqa heç kim bilmaydi. Agar kelajakdagi işlar insonlarga maʼlum bölsa edi, imtihon bölmasdi.
Yuqoridagi oyatlardan maʼlum böladiki, heç kim, hatto payğambarlar ham öz boşlariga qanday kunlar kelişidan bexabar bölganlar. Lekin insonlar orasida odamlarning kelajagini, taqdir va qismatini aytib beruvçi soxta «başoratçilar» ham yöq emas.
Folbinlikka nisbatan islom dini qanday munosabatda böladi? Bu haqda köplab hadislarni keltiriş mumkin. Jumladan: «Kimki biror kohinning oldiga borsa va uning aytgan söziga işonsa (tasdiqlasa), qirq kungaça uning namozlari qabul qilinmaydi» (Imom Tabaroniy).
Xöş, sehrgar, folbin va kohinga boruvçining hukmi qanday?
Hazrat Hafsa onamiz (roziyallohu anho) rivoyat qiladilar: «Rasululloh (sollallohu alayhi va sallam) dedilar: “Kim folbinga borib, undan biror narsa haqida sörasa va u aytgan gapni tasdiqlasa, qirq kunlik namozi qabul bölmaydi» (Imom Muslim).
Oyşa onamiz (roziyallohu anho) aytadilar: «Odamlar Rasululloh (sollallohu alayhi va sallam)dan kohin kim ekani haqida söraşdi. Payğambarimiz (sollallohu alayhi va sallam): “Ular heç kim emas”,- deb javob berdilar. Odamlar: “Yo Rasululloh, ular bizga aytadigan narsalari (goho) çin bölib çiqadi-ku?”- deb yana söraşdi. Şunda u zot (sollallohu alayhi va sallam): “U bor söz bölib, jin uni ilib oladi va unga tuhmatlarni aralaştiradi”,- deb xabar berdilar» (Imom Buxoriy).
Musulmon kişi öziga yetgan har bir narsani Allohdan deb bilişi kerak. Yaxşilik yetsa, şukr qiladi, musibat yetsa, sabr qiladi. Ana şunda gunohi kabiralar domiga tuşib qolişdan özini himoyalagan böladi. Folbinlikdan topilgan pul heç qaçon halol emas.
Kunlarning birida Abu Bakr roziyallohu anhu röza tutib, juda ham oç qolganliklari sabab iftor vaqtida xizmatçisidan qayerdan olib kelganini söraş eslaridan çiqib, taomni yeb qöydilar. Şunda eslariga tuşib: “buni qayerdan olib kelding”, - deb söradi. U: «Johiliyat davrida odamlarni aldab folbinlik qilardim. Qilgan folbinliklarimning biri amalga oşgan ekan. Minnatdorçilik sifatida bergandi, şuni olib kelgandim”. Abu Bakr roziyallohu anhu: «Meni tiriklayin öldirding», -deb qölini oğziga solib qayt qilişga harakat qildi. Yegan narsasining barçasini qayt qilib taşladi. Payğambar alayhissalomning: «Haromdan bir et unib çiqişidan köra dözah azobi yaxşiroqdir»,-deganlarini eşitganman. Jasadimga yuqişidan qörqdim, kimning jasadiga harom luqma singgan bölsa, jannatga kirmaydi»- dedi.
Şuni yaxşi bilib olaylikki, Allohga siğinmagan banda baribir nimagadir, kimgadir siğinadi. Allohning taqdiridan rozi bölmagan banda kimningdir sözlaridan rozi böladi va ana şu sözlarga işonadi. Şuning uçun ham, sarvari koinot s.a.v folbinning sözini tasdiqlagan kişini dindan çiqadi, deganlar. Şu birgina amal ila inson kofir bölişi turgan gap.
Hozirgi kunda munajjimlar başoratiga qarab iş rejalaştiradigan, gazeta naşrlarida çop etilgan başoratlarga işonib, qizlariga kelgan sovçini qaytarib yuborayotgan yurtdoşlarimizga xitobimiz şuki, Allohga qayting, Muhammad s.a.v qaytargan va oxiri abadiy dözax böladigan yölni tark eting. Payğambarimiz Alloh taolo har bir odamning taqdirini yaratilişidan ellik ming yil oldin yozib qöyilganini aytib ketganlar. Bu taqdirni heç kim özgartira olmaydi. Folbinlarga qatnayotgan opalarimiz, singillarimizning şu bugundanoq bu yöldan qaytişlarini söraymiz. Özingiz öylab köring, nima uçun folbinlar hamişa xor va ğaribxonalarda yaşaşadi? Nima uçun ular kelajakni aytib beriş uçun özlarida jurʼat topişadi-yu, oyoqlari ostida turgan konlarni topib, boyib ketmaydilar? Mayli, bu ham oğirdir, nega birgina lotoreya qoğozini olib, nol butun mingdan bir millimetr narida turgan yozuvni öqib, “Neksiya” yo “Damas” avtomobili egasi bölib olişmaydi, nega?! Çunki ular kelajakni heç qaçon bila olişmaydi. Alloh taolo Qurʼoni karimda bu ilm faqat özida ekanligini aytgan. Alloh bilan Allohning ilmini talaşayotgan bandalar albatta xor bölajak. Şu malʼun, iflos va jirkanç kimsalarning oldiga borib, iymon-u eʼtiqodni poymol qilmaylik, azizlar! Kimki şu işni qilgan bölsa, şu bugunoq tavba qilsin, Alloh keçirguvçi Zot. Ulgura olmay qolsa, Allohning özi asrasin, qiyomatda hammaga Yaratgandan tavfiq va ofiyat sörab qolamiz. Albatta, U saxiy va marhamatli Zotdir.
Öktam QURBONIYoZOV, "Nöğoy eşon"
jome masjidi imom-xatibi.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶