Жайхун илҳомлари

Тарихий дақиқа

Жайҳун сокин, бироқ, билади барча,

Жунбушда барсдек ёввойи, асов.

Дарёнинг у ёни, бу ёнигача

Ўзи йўл бермаса, минг йиллик масоф.

Дунёлар ичида ўзи дунё бу,

Воҳага ҳаётбахш она Дарё бу!

 

Англаб ҳар умрнинг чин моҳиятин,

Юртим, Юртбошимни танир дунёлар.

Ирода, шижоат, салоҳиятин

Олқишлаб, ҳар қадам, айлаб дуолар.

ЯНГИ Ўзбекистон аҳли ўтажак,

Бу кўприк минг йиллар хизмат этажак!

 

Халқимнинг минг йиллик орзуси битди,

Кўприкдан маҳобат, дарёда долға.

Юртбошим «оёқбов» кесиб, лутф этди:

«Қани, Локомотив, Автолар,олға!»

Афсона, эртакмас, чин ҳақиқат бу!

Минг йилга татирлик бир дақиқа бу!

Турсунбой Абдуллаев.

 

Ушалган орзу

Равон йўл ҳамиша буюк орзудир,

Бугун ўша орзу ушалган айём.

Тошкентдан таралган темир йўл бугун,

Туманимиз узра этмоқда давом.

 

Порлоқ истиқболдан бериб бир дарак,

Кўприк туташтирди икки қирғоқни.

Олдин ҳам Хоразм эди муштарак,

Яна яқин қилди Қорақалпоқни.

 

Ҳақиқий баҳосин ушбу кўприкнинг,

Ўтиш азобини кўрганлар билар.

Неча авлод ўтди бу кунга етмай,

Биз ҳам кутдик буни кўп узоқ йиллар.

 

Хислат кўпдир асли ҳамжиҳатликда,

Якдил бўлсак, кўп-кўп довон ошармиз.

Шукур, деб фаровон ҳаётимизга,

Ҳаёт неъматларин тотиб яшармиз.

 

Ҳақиқий эгаси бўлар ёш авлод,

Биз яратган ушбу боғ-у бўстоннинг.

Яратувчисимиз ахир ҳаммамиз,

Яшнаётган Янги Ўзбекистоннинг.

А.Нафасов.

 

Баҳорни соғиниб

Баҳорни соғиниб яшайди ким?

Бормикан ё ажиб меҳригиёси.

Яшариш, уйғониш, янгиланиш бу,

Барча фаслларнинг йўқдир қиёси.

 

Бойчечак уйғонар, қир-адирларда,

Лола-ю, чучмома кўтаради бош.

Осмонда булутлар галаси бир ён,

Писанда қилмайин чарақлар қуёш.

 

Жажжи болажонлар хандон кулгуси,

Титратар заминни, осуда осмон.

Гуллардан-гулларга қўниб булбуллар

Басма-бас сайрашар, куйлашар шодон.

 

Ошиқлар фасли бу, асли навбаҳор,

Муҳаббат уйғонар, баҳорда азал.

Шоир илҳом  олиб гўзал фаслдан

Жўш уриб ёзади, янги шеър-ғазал.

 

Баҳорни соғиниб яшамайди ким,

Ҳаммага суюкли бу фасли баҳор.

Интизор қилмайин қишни кузатиб,

Ҳар гал келаверар, такрор ва такрор.

Ш.Хўжанов, Дўрман қишлоғи.

 

Кўнглим баҳори

Ҳижрон қийноғидан хаёлим маҳзун,

Сени соғинганда умрим баҳори.

Қалбимга баҳордай гуркираб келгин,

Вужудим ёндирди кўнглим изҳори.

 

Соғинчим азоблар ҳар куни тинмай,

Ахир, сени севсам, айтгин, не қилай?

Юрагимдан қочиб қайларга борай,

Келақол, азизам, кўнглим баҳори.

 

Ҳолингни билолмай кўнгил қийнайди,

Номингни такрорлаб юрак тўймайди,

Тил-у дил бирлашиб сени ўйлайди,

Келсанг-чи, бир бора, қалбим баҳори.

 

Сен келсанг, очилар йўлимда гуллар,

Сени деб сочилар фалакдан нурлар.

Хаёлда фақат сен то тонгга қадар,

Кулгуларинг гўзал, умрим баҳори.

Асадбек Отажонов, ҚДУ талабаси.

 

ОНАЖОНИМ

Бағри кенг онажоним,

Сизга минг бора таъзим.

Меҳр бериб меҳрибоним,

Қадрингга қилгум таъзим.

Онаси бор инсонларга,

Ӽавас билан қарайман.

Минг шукур, тақдиримга,

Сиздек она бўлдим мен.

Ӽаёл сурсам, кун-тунимда,

Менга ҳамроҳ бўласиз.

Кўзларимни юмганимда,

Қучоғимга тўласиз.

Ўзим она бўлсам ҳам,

Эркалангим келади.

Иложи йўқ, имкони йўқ,

Кўзимга ёш тўлади.

 

Фарзандларин камолини,

Кўролмаган онамга.

Чин дунёда Аллоҳим,

Жаннатни этгин ато.

Дилфуза Султонова.

 

Онамга

Касал бўлсам шифокор,

Билмасам ўқитувчи.

Дилимга бермай озор,

Мулойим сўзлагувчи.

 

Тушунмасам фанларни,

Устозлик ҳам қилади.

Математик амални

Ечишни ўргатади.

 

Бир қарасам пазанда,

Овқат қилар бир зумда.

Тозаликда биринчи,

Озода-ю саришта..

Акмал ИбрОҳимов.

 

8 март

Қутлуғ бўлсин байрамингиз,

Меҳри уммон оналар!

Мудом яйраб, кулингиз,

Сизгадир чаман гуллар.

 

Қалбингизни баҳорнинг

Илиқ нури силасин.

Юртнинг тонги, наҳори,

Пойингизга тўшалсин.

Бону Раҳматуллаева.