Ўқувчилар “Жайҳун илҳомлари” номли ННТ қошидаги кутубхона билан танишдилар
Хабарингиз бор, 21-27 апрель кунлари мамлакатимиздаги барча ҳудудларида “Ўзбекистон – китобхонлар юрти” шиори остида V Республика “Китобхонлик ҳафталиги” тадбирлари юқори савияда ташкил этилди. Бу йилги ҳафталикни янада мазмунли ва бой тарзда ташкил этиш мақсадида кўплаб янги ва диққатга сазовор ғоялар амалга оширилди.
Ҳар йили ўтказиладиган “Китобхонлик ҳафталиги” давлатимизда китоб мутолаасини рағбатлантириш, адабиётга бўлган қизиқишни ошириш, китобхонлик маданиятини халқ орасида кенг тарқатиш мақсадида йўлга қўйилган муҳим тадбирлардан биридир. Китобхонлик маданияти халқ тафаккурини ривожлантиришда муҳим роль ўйнайди. Шунинг учун китобхонлик ҳафталиги доирасида ўтказилган тадбирлар аҳолининг ҳар бир қатламини қамраб олишга қаратилган эди.
Тадбирлар доирасида 40-сонли мактабнинг кутубхоначиси Гулчирой Давлатбоева бошчилигида бир гуруҳ китобхон ўқувчилар “Жайҳун илҳомлари” номли ННТ қошида ташкил этилган кутубхона билан танишдилар. Бу кутубхона ўзининг бой фонди, миллий ва замонавий ўзбек ҳамда жаҳон адабиётининг нодир намуналари билан аҳолининг эътиборида. Тадбир давомида мактабнинг 8-синф ўқувчилари нодир адабиётлар билан яқиндан танишиб, мутолаа аҳамияти ва кутубхонага аъзо бўлиш тартиби ҳақида батафсил маълумот олишди. Бу амалиёт ўқувчиларда китобга бўлган қизиқишни янада кучайтириб, уларни интеллектуал ўсишга, билим олишга рағбатлантиришга хизмат қилади.
Кутубхоналардаги бу каби тадбирлар, албатта, ҳар бир ёш авлоднинг китобга бўлган қизиқишини ва ёзувчиларга, муаллифларга эҳтиромини юксалтиришга ёрдам беради. Китобхонлик ҳафталиги доирасида ташкил этилган бундай тадбирлар халқ тафаккури ва маданиятини ривожлантиришнинг муҳим воситаси бўлиб хизмат қилмоқда.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
