“Уч авлод учрашуви” тадбири бўлиб ўтди
Кейинги йилларда бутун мамлакатимиз бўйлаб ўтмиш, бугун ва келажакни ўзида мужассам этган авлодлар учрашуви тадбирларини ўтказиш гўзал анъанага айланди. Айниқса, муқаддас Рамазон ойида ҳудудларда ўтказилаётган бу каби тадбирларда нуроний отахон ва онахонлар, ўрта ёшдаги юртдошларимиз ва навқирон ёшлар фаол иштирок этиб, дилдан суҳбат қурмоқдалар.
Ўзаро мулоқотларда ўтмишда аждодларимиз тортган азоб-уқубатлар тилга олиниб, бугун мамлакатимизда инсон омилига юксак эътибор берилаётгани, давлатимиз раҳбари ташаббуси билан ҳар бир ватандошимизга юксак ғамхўрлик, меҳр-оқибат кўрсатилаётгани, инсон қадр-қиммати, унинг орзу-интилишларини рўёбга чиқариш учун барча имконият яратилаётгани ҳаётий мисоллар орқали эътироф этилмоқда.
31 март куни Манғит шаҳридаги туман Маданият бўлимининг томошалар залида ҳам “Уч авлод учрашуви” тадбири бўлиб ўтди.
Тадбир аввалида унда “Нуроний” жамғармаси Қорақалпоғистон Республикаси бўлими бошлиғи Турсунбой Абдижаббаров, жамғарманинг туман бўлими раиси Аширбай Қўшаев, жамғарма Жамоатчилик кенгаши аъзоси Бекман Аллабергановлар “Яшил макон” умуммиллий лойиҳаси доирасида манзарали дарахт кўчатларини экиш жараёнида иштирок қилишди. Меҳмонларга Маҳаллалар уюшмаси туман бўлими бошлиғи Баҳромбой Қодиров, туман Мактабгача ва мактаб таълими бўлими мудири Ялғош Шамуратов, Ойбек номли маҳалладаги 55-сонли мактаб директори Даврон Ариковлар ҳамроҳлик қилишди.
Шундан кейин меҳмонлар туман Маданият бўлими биносида тумандаги илғор мактабгача таълим ташкилотлари томонидан ташкил қилинган кўргазма билан танишишди. Томошалар залида “Уч авлод учрашуви” тадбири бошланди. Унда “Нуроний” жамғармаси Қорақалпоғистон Республикаси бўлими бошлиғи Турсунбой Абдижаббаров, туман ҳокимининг ўринбосари Гўзал Сабурова, тумандаги овул ва маҳалла фуқаролар йиғинлари раислари, фуқаролар йиғинларидаги ёшлар етакчилари, нуроний отахону онахонлар, тадбирга таклиф қилинган корхона ва ташкилотлар раҳбарлари иштирок қилишди.
Учрашувда сўз олганлар мамлакатимизда амалга оширилаётган оламшумул тарихий янгиланишлар, ислоҳотлар ва уларнинг самараси, халқ фаровонлиги ва дастурхонларимиз тўкин-сочинлиги йўлида амалга оширилаётган ишлар, айниқса, туманимизда охирги йилларда содир бўлаётган ижобий ўзгаришлар ҳақида сўз юритдилар.
Сўзга чиққан нуронийлар биргина 2024 йилда Амударё устига қурилган замонавий темир-бетон конструкцияли кўприк фойдаланишга топширилгани, аҳолини ичимлик суви билан таъминловчи сув иншооти қурилиши бошлангани, инвестиция дастурлари доирасида қатор тадбиркорлик объектлари қурилаётгани, маҳаллалар инфратузилмаси яхшиланиб, янги уй-жойлар қад ростлаётгани ва бошқа кўплаб янгиланишлар мамлакатимизда инсон манффатларига қаратилаётган эътиборнинг яққол далили эканлиги қайд этилди.
Учрашув давомида туман Маданият бўлимининг хонандалари ва рақс тўгараги аъзолари ўзларининг концерт дастурларини намойиш қилдилар.
Тадбирда “Нуроний” жамғармаси Қорақалпоғистон Республикаси бўлими бошлиғи Турсунбой Абдижаббаров кўп йиллардан буён давлат ва жамоатчилик ишларида самарали меҳнат қилиб, бой ҳаётий тажриба тўплаган, бугунги кунда қарилик гаштини сураётган, шунингдек, ҳозир ҳам жамиятимиз ҳаётида панд-насиҳатлари билан фаол иштирок қилаётган нуронийларга, кам таъминланган, ёрдамга муҳтож юртдошларимизга, самарали фаолият юритиб эл назарига тушаётган ёшларга “Нуроний” жамғармаси Қорақалпоғистон Республикаси бўлими томонидан ажратилган совғаларни тантанали тарзда топширди.
“Уч авлод учрашуви” тадбирининг иштирокчилари бўлмиш нуронийлар ҳамда ўрта ёшдаги юртдошларимиз фаол ва ташаббускор ёшларни кўриб, юртимиз келажаги ишончили қўлларда эканлигига яна бир карра амин бўлишган бўлса, ёшлар уларнинг ҳаётий ҳикояларидан хулоса чиқариб, дориломон кунларнинг қадрига етиш, мустақиллик ва тинчликни кўз қорачиғидай асраб-авайлашга сўз бердилар.
Туман ҳокимлигининг ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
