ИС ГАЗИДАН ЗАҲАРЛАНИШНИНГ ОЛДИНИ ОЛИШ БЎЙИЧА ПРОФИЛАТИК ТАДБИР ЎТКАЗИЛДИ
Маълумки, ис гази – рангсиз, ҳидсиз, кўп учрайдиган заҳарли бирикма – табиий газ, ёқилғи, кўмир, ўтин чўғлари тўлиқ ёнмаслиги ёки чала ёниши оқибатида вужудга келади. Инсонларнинг ҳаёти хавф остида қолишига сабабчи бўладиган ис газидан заҳарланиш ҳолатлари эса аксарият ҳолларда хавфсизлик қоидаларига амал қилмаслик ва эътиборсизлик натижасида келиб чиқади.
Жорий йилнинг 12 март куни Амударё тумани Фавқулодда вазиятлар бўлими томонидан сўнгги пайтларда кўп содир бўлаётган ис газидан заҳарланиш ва унинг зарарли оқибатларининг олдини олиш бўйича тегишли чора-тадбирларни белгилаб олишга қаратилган йиғилиш ўтказилди.
Йиғилишда Қорақалпоғистон Республикаси Фавқулодда вазиятлар бошқармаси бошлиғи ўринбосари полковник Маҳмуд Сейдуллаев, туман ҳокими ўринбосари Баҳодир Эрназаров, туман Фавқулодда вазиятлар бўлими бошлиғи капитан Зафар Аҳмедов, газ таъминоти корхонаси туман бўлими бошлиғи Жасур Ерметов, электр таъминоти корхонаси туман бошлиғи Мансур Худойберганов, Миллий гвардиянинг тумандаги Қўриқлаш бўлими ходимлари ҳамда ишчи гуруҳнинг бошқа аъзолари иштирок этишди.
Йиғилиш давомида жорий йилнинг 9 март куни Фарғона шаҳри, Аҳмад Яссавий кўчасида истиқомат қилувчи фуқароларнинг ис-газидан заҳарланиш оқибатида вафот этганлиги тўғрисида маълумот берилиб, амалга оширилиши лозим бўлган профилактик чора-тадбирларни янада кучайтириш кераклиги бўйича тегишли вазифалар белгилаб олиниши кераклиги таъкидланди.
Амударё туманида ҳам 2023-2024 йилларнинг куз-қиш мавсуми даврида ҳар хил турдаги фавқулодда вазиятларнинг олдини олиш мақсадида туман ҳудудида жойлашган якка тартибдаги ҳамда кўп квартирали турар жойларда иситиш қурилмалари ва уларнинг дудбуронларининг созлигига маҳалла фаоллари иштирокида ҳар бир хонадонларда ўрганиш ишлари олиб борилаётганини, ўрганишлар жараёнида аниқланган камчиликлар тегишлилиги бўйича жойида бартараф қилинаётгани маълум қилинди.
Шу билан бирга, туман ҳокимлигида тузилган Фавқулодда вазиятлар бўлими, газ, электр тармоқлари ва бошқа тегишли идоралар вакилларидан иборат ишчи гуруҳ томонидан тунги вақтда ижтимоий соҳа объектларининг ҳолати ўрганиб чиқилаётгани эътироф этилиб, ўрганиш давомида жойлардаги масъулларга тавсиялар берилаётгани, маълумотнома расмийлаштирилган ҳолда Қорақалпоғистон Республикаси Фавқулодда вазиятлар бошқармасига назорат учун киритилаётгани эътироф этилди.
Бу борадаги ишларни яна давом эттириш, фуқароларга ис-газидан заҳарланишнинг олдини олиш бўйича профилактик тушунтириш ишларини янада жадаллаштириш кераклиги, уларга эслатма материаллари тарқатилиб, хавфсизлик қоидалари тўғрисида маълумотлар берилиб борилиши лозимлиги айтилиб, тегишли вазифалар белгилаб берилди.
Шундан сўнг, Қорақалпоғистон Республикаси Фавқулодда вазиятлар бошқармаси бошлиғи ўринбосари Маҳмуд Сейдуллаев томонидан хизмат қилаётган ҳарбий ва техник хизматчилар, уларнинг оила аъзолари учун сайёр қабул ўтказди. Сайёр қабулда Амударё тумани Фавқулодда вазиятлар бўлими ходимларининг соҳадаги муаммолар юзасидан мурожаат ва таклифлари тингланди. Баён этилган масалалар юзасидан мурожаатлар масъуллар иштирокида кўриб чиқилди. Асосий эътибор мурожаатларни ўз вақтида ҳал этишга қаратилиб, мутасадди раҳбарларга аниқ вазифалар юклатилиб, ушбу топшириқларнинг ижроси назоратга олиниши таъкидланди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
