Аҳолига ис газидан сақланиш йўллари тушунтирилди
Куз-қиш мавсуми бошланиши билан хонадонлар, мактаблар, боғчалар ва тиббиёт муассасаларида иситиш қурилмаларидан фойдаланиш кескин ортиб, шу билан бирга ис газидан заҳарланиш хавфи ҳам ошади. Шу боис мамлакатимизда энергия ресурсларидан хавфсиз фойдаланиш, аҳоли ҳаёти ва соғлиғини муҳофаза қилиш масаласига давлат сиёсатининг устувор йўналишларидан бири сифатида қаралмоқда.
Маълумки, ис гази рангсиз ва ҳидсиз бўлгани учун уни ўз вақтида сезиш деярли имконсиз бўлиб, кўплаб аянчли ҳодисалар айнан мўриларнинг носозлиги, хоналарнинг етарли шамоллатилмаслиги ёки газ асбобларидан нотўғри фойдаланиш оқибатида юз беради. Шунинг учун ваколатли идоралар томонидан профилактик тадбирлар ва тушунтириш ишлари йил сайин кенгайтириб борилмоқда.
Ўзбекистон Республикаси Вазирлар Маҳкамаси ҳузуридаги «Ўзэнергоинспекция»нинг Қорақалпоғистон Республикаси ҳудудий бошқармаси масъуллари Амударё туманида бўлиб, ис газидан заҳарланишнинг олдини олиш бўйича тушунтириш ва тарғибот ишларини олиб борди. Тадбирдан кўзланган асосий мақсад иситиш мавсумида юз бериши мумкин бўлган кўнгилсиз ҳолатларнинг олдини олиш ва аҳолининг бу борадаги хабардорлигини оширишдан иборат бўлди.
Масъуллар дастлаб туманда жойлашган ижтимоий соҳа объектларига ташриф буюриб, қозонхоналарни кўздан кечирди. Ўтказилган ўрганишлар чоғида мўриларнинг созлиги ва шамоллатиш тирқишларининг мавжудлиги синчковлик билан ўрганилди. Шу ўринда айтиш керакки, мўрининг тиқилиб қолиши ёки шамоллатиш тизимининг ишламаслиги ёниш маҳсулотларининг хонага қайтишига сабаб бўлиб, ис гази тўпланишининг асосий омилларидан бирига айланади.
Шунингдек, мутахассислар объектларда фавқулодда вазиятларнинг олдини олиш юзасидан амалга оширилган ишлар билан ҳам батафсил танишиб чиқди. Таъкидлаш керакки, ижтимоий соҳа муассасаларида болалар, беморлар ва кексалар кунининг катта қисмини ўтказишини инобатга олган ҳолда, бу ердаги иситиш тизимларининг бехатарлиги алоҳида аҳамият касб этади.
Тарғибот ишлари фақат муассасалар билан чекланиб қолмади. Масъуллар кўп қаватли уйларда ва аҳоли яшайдиган маҳаллаларда ҳам бўлиб, фуқаролар билан юзма-юз суҳбатлар ташкил этди. Бундай учрашувлар орқали юзлаб аҳоли вакили қамраб олиниб, хавфсизлик қоидалари бевосита хонадон эгаларига етказилди.
Суҳбатлар давомида ис газининг инсон организмига зарарли таъсири ва ундан сақланиш йўллари ҳақида кенг турда маълумот берилди. Айтиш керакки, ушбу хавфнинг жиддийлигини англаган ҳар бир оила аъзоси уйидаги иситиш мосламаларига бепарво муносабатда бўлмаслиги, кичик носозликни ҳам эътибордан четда қолдирмаслиги муҳим саналади.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶