ИШЛАШ ИСТАГИДА БЎЛГАН ФУҚАРОЛАРГА МУНОСИБ МЕҲНАТ ШАРОИТЛАРИ ЯРАТИЛМОҚДА
Давлат фуқароларнинг бандлигини таъминлаш, уларни ишсизликдан ҳимоя қилиш, шунингдек, камбағалликни қисқартириш чораларини кўради.
Конституциянинг 43-моддасидан.
Фуқароларнинг муносиб ҳаёт кечиришини, миллатлараро тотувликни, кўп миллатли юртимиз халқининг фаровон ва обод турмуш кечиришини таъминлашга хизмат қиладиган Асосий Қонунимиз ҳар биримизнинг фахримиз, ифтихоримиздир. Инсон ҳаёти, эркинлиги, шаъни, қадр-қиммати юксак тутилгани боис мазкур ҳужжатга ҳурмат-эътиборимиз юқори.
Асосий Қонунимизнинг 43-моддасида фуқароларнинг бандлигини таъминлаш масалалари эътиборга олинган.
Ҳа, дарҳақиқат, мамлакатимизда аҳоли турмуши сифатини оширишга, доимий даромад манбаига эга бўлиши учун бандлигини таъминлашга, ишсиз ёшларни қайта касб-ҳунарга ўқитишга ва тадбиркорликка жалб этишга улкан эътибор қаратилаяпти.
Туман Камбағалликни қисқартириш ва аҳоли бандлигига кўмаклашиш бўлими томонидан ҳам ҳудудда яшовчи аҳолининг турмуши фаровонлигини ошириш, иш билан банд бўлмаганларни бўш иш ўринларига жойлаштириш, оилавий тадбиркорликни ривожлантириш, ўз бизнесини ташкил этиш истагидаги фуқароларга имтиёзли кредитлар олишига кўмаклашиш, субсидия асосида меҳнат қуроллари билан таъминлаш, ишсиз ёшларни касб-ҳунарга ўқитиш борасида тизимли ишлар олиб борилаётир. Шу мақсадда жорий йилнинг ўтган 10 ойи давомида оилавий тадбиркорликни ташкил этиш учун дастурга мувофиқ 4323 нафар фуқарога 80724 млн. сўм миқдорида енгиллаштирилган кредитлар ажратилди. 487 фуқарога 340 млн. сўм субсидиялар ажратилди, 1341 нафар фуқарога аукцион орқали узоқ муддатли ижарага 754 гектар ер майдонлари ажратиб берилди.
Бўлим томонидан фаол иш излаётган 15671 нафар фуқароларнинг бандлиги таъминланди. Шундан доимий иш ўринларига 9158 нафар, ҳақ тўланадиган жамоат ишларига 573 нафар фуқаро жойлаштирилди. 594 нафар фуқаронинг эса ўзини ўзи банд қилиши ҳисобига бандлиги таъминланди, 271 нафар фуқаро янги ташкил этилган кооперативларга бириктирилди.
Ўтган 10 ойи мобайнида 626 нафар ёшлар касб-ҳунарга ўқув курсларида ўзларининг хоҳишларига кўра ўқитилди. 923 тадбиркорлик субъектлари ташкил қилинди.
Албатта, ҳаётда қандай яшаш, қандай фаолият билан шуғулланиш ҳар кимнинг ўз ихтиёрида. Туман Камбағалликни қисқартириш ва аҳоли бандлигига кўмаклашиш бўлими тадбиркорлик, деҳқончилик қилиш ва хизмат кўрсатиш каби турли соҳаларда ишлаш истагида бўлган фуқароларни қўллаб-қувватлайди ва уларга муносиб шароитлар яратишга интилади.
Муроджон Болтаев,
туман Камбағалликни қисқартириш ва аҳоли
бандлигига кўмаклашиш бўлими ходими.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
