ФҲДЁ ОРГАНЛАРИДА ИШ ЮРИТИШ ТАРТИБИГА ЎЗГАРТИРИШ КИРИТИЛДИ
Фуқаролик ҳолатини қайд этиш фуқароларнинг ҳуқуқ ва бурчлари пайдо бўлишига сабаб бўлиб хизмат қилувчи ҳужжат бериш учун асос бўлади. Фуқаролик ҳолати далолатномаларини қайд этишнинг аҳамияти шундаки, унга асосан ФҲДЁ органи томонидан берилган гувоҳнома ва кўрсатилган фактнинг тўғрилигини тасдиқловчи шаксиз далил ҳисобланади.
Амударё тумани ФҲДЁ бўлимида фуқароларга малакали юридик хизмат кўрсатиб келинмоқда. Бўлим томонидан 2022 йил давомида 5258та туғилганлик қайд этилди. Ёлғиз оналар томонидан берилган аризага асосан 59та туғилганлик рўйхатга олинди.
Ҳозирги пайтда туғилганлик ҳолати ФҲДЁ бўлимларида қайд қилинганлиги ҳақида тиббиёт муассасалари томонидан QR-код тасвири туширилган маълумотнома берилмоқда. Ушбу маълумотнома туғилганлик ҳақидаги гербли гувоҳномага тенглаштирилади ҳамда давлат органлари ва ташкилотлар томонидан қабул қилишни рад этиш қатъиян таъқиқланади. Тиббиёт муассасаси бола ва унга бериладиган фамилия, исм ва ота исми, ота-она ва уларнинг никоҳи, бола рўйхатга қўйиладиган поликлиника ва ички ишлар бўлими, навбатга қўйиладиган давлат мактабгача таълим ташкилоти ҳақидаги барча маълумотларни электрон тиббий маълумотномани шакллантириш учун махсус электрон бланкага киритади ва автоматик равишда ФҲДЁ бўлимига “Туғилиш ва ўлимни, шу жумладан, перинатал ўлимни электрон рўйхатга олиш” автоматлаштирилган ахборот тизими орқали юборади.
Туғилганлик ҳақидаги гербли гувоҳнома эса фуқароларнинг исталган вақтдаги мурожаатларига асосан фуқаролик ҳолати далолатномаларини ёзиш бўлимлари томонидан белгиланган миқдорда герб йиғими ундирилган ҳолда расмийлаштириб берилади.
Б.Собиров,
туман ФҲДЁ бўлими инспектори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
