АМУДАРЁЛИК ШОИРА ОНАХОН “ХАЛҚЛАР ДЎСТЛИГИ” КЎКРАК НИШОНИ БИЛАН ТАҚДИРЛАНДИ

Жорий йилнинг 2 июнь куни Наманган вилояти, Поп тумани, “Баркамол авлод маркази”да  Қозоғистон Республикаси “Қос қанат” (“Қўш қанот”) Халқаро фондининг навбатдаги тақдимот йиғилиши бўлиб ўтди.

Йиғилиш мобайнида “Ёз таровати” назмий танловида фахрли ўринларни эгаллаган ҳамда “Истеъдодли ижодкор” номинацияси ғолиблари “Олқиш хат” ва эсдалик совғалари билан тақдирланди.

Тақдимот якунида фондга янги қабул қилинган ижодкорларга аъзолик гувохномаси “Қўш қанот” фонди директори Э.ЭТатиев томонидан ҳамда “Мўътабар Она” ва “Халқлар дўстлиги” кўкрак нишонлари тантанали равишда топширилди.

Мукофотланганлар сафида Қорақалпоғистон Республикаси Амударё туманидан Жумагул Юнусова ҳам бор. Ж.Юнусова “Халқлар дўстлиги” кўкрак нишони билан тақдирланди.

Шунингдек, шу куни Жумагул Юнусованинг “Соғинч” деб номланган китоб тақдимоти ҳам бўлиб ўтди. Тадбир иштирокчилари ва “Қўш қанот” Халқаро фонди масъуллари ҳамда мазкур фонд қошидаги ижодкорлар Уюшмаси аъзолари Амударёлик сермаҳсул ижодкор Жумагул Юнусовани “Соғинч” шеърлар тўплами билан табриклаб, шоира онахоннинг шеърларига муносиб баҳо бердилар.

Робия ЙЎЛДОШЕВА.