Куюк кўпирлик нуронийлар бир пиёла чой устида суҳбат қуришди
21 январь куни Куюк кўпир овулида “Бир пиёла чой устида” нуронийлар, ҳудуддаги идора ва ташкилотлар раҳбарлари ва ёшлар иштирокида “Уч авлод учрашуви” деб номланган маънавий-маърифий тадбир ўтказилди.
Тадбирда ёши улуғ отахон ва онахонларимиз ҳаёти ва меҳнат фаолияти давомида тўплаган бой тажрибаси, ёшлик давридаги ўзига хос қийинчиликлар, меҳнат палласидаги машаққатлар, ниҳоят нуронийлик пайтида давлатимиз томонидан кўрсатилаётган ҳурмат-эҳтиром ҳақида ўз дил сўзларини, самимий фикрларини билдирдилар.
Эл-юрт равнақи йўлида мамлакатимиз раҳбарига яқин кўмакчи, камарбаста бўлиш лозимлиги уч авлодга мансуб юртдошларимиз ўртасида кечган самимий суҳбатлар бош мавзусига айланди. Тадбирда туман “Нуронийлар” жамоатчилик кенгаши аъзолари А.Нафасов, Б.Тўрабоев, маҳалла фаоллари С.Рахимбоев, Г.Қаландарова, М.Сапаева, М.Бозорбоева, Г.Саидова, С.Болтаевлар сўзга чиқишиб, ёшларга яратилаётган шароитлар, кўрсатилаётган ғамхўрликлар ҳақида сўз юритдилар ҳамда ёш авлоднинг келажакда эл-юрт корига муносиб ватанпарвар, фидойи инсонлар бўлиб етишишига интилишлари лозимлиги қайд этилди.
Шунингдек, Куюк кўпир овулида истиқомат қилаётган, турли соҳаларда меҳнат қилиб, муваффақиятларга эришаётган, ўзини-ўзи банд қилиш, бир нуронийга ўн ёш тамойили асосида бандлиги таъминланган ёшлар алоҳида эътироф этилиб, бошқаларга ўрнак қилиб кўрсатилди.
Учрашувда ёшлар таълим-тарбиясига муносиб ҳисса қўшаётган бир гуруҳ фаол кекса авлод вакилларига Нуронийлар жамоатчилик Кенгашининг рағбатлантирувчи мукофотлари топширилди.
Б.ТЎРАБАЕВ, Амударё тумани Маҳалла ва нуронийларни қўллаб-қувватлаш бўлими мутахассиси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
