БЕШТОМ МАҲАЛЛАСИ АҲОЛИСИ УЧУН АСОСИЙ ОЗИҚ-ОВҚАТ ВА ҚИШЛОҚ ХЎЖАЛИГИ МАҲСУЛОТЛАРИ ЯРМАРКАСИ ТАШКИЛ ЭТИЛДИ
Юртимизда бугунги кунда барча соҳаларда амалга оширилаётган ислоҳотлар одамларга муносиб турмуш шароитлари яратишга, уларнинг бахтиёр, обод ва фаровон яшашига хизмат қилмоқда. Шу мақсадда энг чекка ҳудудларда ҳам шаҳарлардагидан кам бўлмаган шароитларга эга мактабгача таълим, ўрта таълим мактаблари, тиббиёт муассасалари фаолият юритмоқда. Ҳудудларда қатор инфрутузилма объектлари қад ростлаган, кўчалар равон. Айниқса, чекка ҳудудларда яшовчи аҳолига ижтимоий тиббий хизмат кўрсатиш бўйича манзилли чора-тадбирлар амалга оширилмоқда.
Амударё тумани прокуратураси, Бош Прокуратура ҳузуридаги Департаментнинг туман бўлими ходимлари аҳолининг турмуши фаровонлигини, сифатини оширишга, янги иш ўринлари яратиб, бандлигини таъминлашга, доимий даромад манбаига эга юртдошларимиз сафи ошишига ҳисса қўшиб келмоқдалар.
Шу йилнинг 12 октябрида Ўзбекистон Республикаси Бош Прокуратураси ҳузуридаги Департаментнинг туман бўлими ташаббуси билан “Манғит деҳқон бозори” масъулияти чекланган жамияти билан ҳамкорликда туманимизнинг чекка ҳудудларидан ҳисобланган Бештом маҳалласининг Хўжакўл аҳоли пунктида савдо ярмаркасини ўтказгани ҳудуд аҳолиси учун қувонарли воқеа бўлди.
Таъкидлаш жоизки, ушбу ҳудудда Амударё сувининг кескин пасайиб кетиши оқибатида барпо этилган боғлар, манзарали дарахтлар қуриб, томорқаларда рўзғорбоп экинлар экиш ва маҳсулот етиштириш қийин бўлиб қолди. Шунинг учун улар кундалик эҳтиёж учун сабзавот, мева, полиз маҳсулотларини Қипчоқ, Манғит деҳқон бозорларидан олиб кетишади ва бунинг учун анча вақт, йўл учун ҳам маблағ сарфлашади.
Маҳалла аҳолиси учун кенг ассортиментдаги асосий озиқ-овқат маҳсулотлари, мева, полиз экинлари, сабзавотлар савдоси йўлга қўйилгани бунингдек оворагарчиликларнинг олдини олишга хизмат қилди.
Аввалроқ хабардор қилинган аҳоли асосий озиқ-овқат, қишлоқ хўжалик маҳсулотлари ортилган машиналарнинг етиб келишини, вақтинчалик расталарга маҳсулотларнинг жойлаштирилиши кутиб, ўзларининг эҳтиёжига яраша озиқ-овқат маҳсулотларини харид қилдилар.
- Ташкилотчиларга минг раҳмат, деҳқон бозорида нима маҳсулот бўлса, кўргазмада ҳам ҳаммасидан бор, - дейди невараси билан савдо қилишга келган маҳалла кексаларидан бири.
Қоратов этагида, яйдоқ қип-қизил адир бағрида жойлашган Бештом маҳалласининг Хўжакўл аҳоли пунктида ташкил этилган ушбу озиқ-овқат ва қишлоқ хўжалиги маҳсулотлари ярмаркаси маҳалла ҳаётини ўзгартира олмаса ҳам, аҳолига кўтаринки кайфият бағишлади, юртимизда ҳеч ким эътибордан четда қолмаслигига ишончини мустаҳкамлади.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
