BEShTOM MAHALLASI AHOLISI UChUN ASOSIY OZIQ-OVQAT VA QIShLOQ XOʻJALIGI MAHSULOTLARI YaRMARKASI TAShKIL ETILDI
Yurtimizda bugungi kunda barcha sohalarda amalga oshirilayotgan islohotlar odamlarga munosib turmush sharoitlari yaratishga, ularning baxtiyor, obod va farovon yashashiga xizmat qilmoqda. Shu maqsadda eng chekka hududlarda ham shaharlardagidan kam boʻlmagan sharoitlarga ega maktabgacha taʼlim, oʻrta taʼlim maktablari, tibbiyot muassasalari faoliyat yuritmoqda. Hududlarda qator infrutuzilma obʼektlari qad rostlagan, koʻchalar ravon. Ayniqsa, chekka hududlarda yashovchi aholiga ijtimoiy tibbiy xizmat koʻrsatish boʻyicha manzilli chora-tadbirlar amalga oshirilmoqda.
Amudaryo tumani prokuraturasi, Bosh Prokuratura huzuridagi Departamentning tuman boʻlimi xodimlari aholining turmushi farovonligini, sifatini oshirishga, yangi ish oʻrinlari yaratib, bandligini taʼminlashga, doimiy daromad manbaiga ega yurtdoshlarimiz safi oshishiga hissa qoʻshib kelmoqdalar.
Shu yilning 12-oktyabrida Oʻzbekiston Respublikasi Bosh Prokuraturasi huzuridagi Departamentning tuman boʻlimi tashabbusi bilan “Mangʻit dehqon bozori” masʼuliyati cheklangan jamiyati bilan hamkorlikda tumanimizning chekka hududlaridan hisoblangan Beshtom mahallasining Xoʻjakoʻl aholi punktida savdo yarmarkasini oʻtkazgani hudud aholisi uchun quvonarli voqea boʻldi.
Taʼkidlash joizki, ushbu hududda Amudaryo suvining keskin pasayib ketishi oqibatida barpo etilgan bogʻlar, manzarali daraxtlar qurib, tomorqalarda roʻzgʻorbop ekinlar ekish va mahsulot yetishtirish qiyin boʻlib qoldi. Shuning uchun ular kundalik ehtiyoj uchun sabzavot, meva, poliz mahsulotlarini Qipchoq, Mangʻit dehqon bozorlaridan olib ketishadi va buning uchun ancha vaqt, yoʻl uchun ham mablagʻ sarflashadi.
Mahalla aholisi uchun keng assortimentdagi asosiy oziq-ovqat mahsulotlari, meva, poliz ekinlari, sabzavotlar savdosi yoʻlga qoʻyilgani buningdek ovoragarchiliklarning oldini olishga xizmat qildi.
Avvalroq xabardor qilingan aholi asosiy oziq-ovqat, qishloq xoʻjalik mahsulotlari ortilgan mashinalarning yetib kelishini, vaqtinchalik rastalarga mahsulotlarning joylashtirilishi kutib, oʻzlarining ehtiyojiga yarasha oziq-ovqat mahsulotlarini xarid qildilar.
- Tashkilotchilarga ming rahmat, dehqon bozorida nima mahsulot boʻlsa, koʻrgazmada ham hammasidan bor, - deydi nevarasi bilan savdo qilishga kelgan mahalla keksalaridan biri.
Qoratov etagida, yaydoq qip-qizil adir bagʻrida joylashgan Beshtom mahallasining Xoʻjakoʻl aholi punktida tashkil etilgan ushbu oziq-ovqat va qishloq xoʻjaligi mahsulotlari yarmarkasi mahalla hayotini oʻzgartira olmasa ham, aholiga koʻtarinki kayfiyat bagʻishladi, yurtimizda hech kim eʼtibordan chetda qolmasligiga ishonchini mustahkamladi.
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
