Jayhun mahallasida ijtimoiy himoyaga muhtoj fuqarolarga manzilli kömak körsatilmoqda

Sönggi yillarda mamlakatimizda ijtimoiy himoya tizimini idora darajasidan mahalla darajasiga tuşirişga, yaʼni yordamni muhtoj inson ostonasiga yetkaziş mexanizmini yaratişga alohida eʼtibor qaratilmoqda.

Şu maqsadda Özbekiston Respublikasi Prezidentining 2023-yil 1-iyundagi Farmoniga asosan mahallalarda ijtimoiy xodim lavozimi joriy etilgan bölib, ular aholining ijtimoiy yordamga muhtoj 12 ta toifasi bilan bevosita işlaydi. Amudaryo tumani Jayhun mahalla fuqarolar yiğinida uşbu vazifani 2024-yil 25-noyabrdan buyon ijtimoiy xodim Jamila Haytimbetova bajarib kelmoqda.

Mahalla hududida 648 ta xonadon joylaşgan bölib, ularda 1108 ta oila istiqomat qiladi. Ijtimoiy xodimning faoliyati, avvalo, har bir xonadonning ahvolini örganiş va yordamga ehtiyoji bor fuqarolarni toifalar kesimida röyxatga olişdan boşlangan.

Ijtimoiy xodim xizmat körsatadigan toifalar qatoriga özgalar parvarişiga muhtoj yolğiz yaşovçi keksalar, nogironligi bölgan şaxslar, oğir kasallikka çalinganlar, tazyiq va zöravonlikka uçragan xotin-qizlar hamda ularning voyaga yetmagan farzandlari, kam taʼminlangan oilalar, yetim hamda töliq bölmagan oilalardagi bolalar kiradi.

Şuningdek, ota-onalik huquqidan mahrum etilmasdan farzandlari olib ketilgan ota-onalar, voyaga yetmagan onalar va otalar, ota-onasi taşqi mehnat migratsiyasiga ketgan bolalar, muayyan yaşaş joyiga ega bölmagan şaxslar, qarovsiz qolgan bolalar, ozodlikdan mahrum etiş jazosini ötab bölgan fuqarolar hamda texnogen, tabiiy va ekologik tusdagi favqulodda vaziyatlardan jabrlanganlar ham şu toifalarga kiritilgan.

2026-yilning töqqiz oyi yakunlariga köra mahallada yolğiz yaşovçi keksalar reyestriga 2 nafar fuqaro kiritilgan bölib, ularga assistent xizmati körsatilmoqda. 80 yoşdan oşgan 14 nafar otaxon va onaxonga uyda qarovçi biriktirilgan, şu orqali bir xonadonda istiqomat qiluvçi, bandligi taʼminlanmagan fuqarolarning mehnat staji hisoblanib borilmoqda.

Mahallada nogironligi bölgan fuqarolar soni 68 nafarni taşkil etadi. Ular orasida 12 nafar I guruh, 42 nafar II guruh va 3 nafar III guruh nogironligiga ega şaxslar, şuningdek, 17 nafar nogironligi bölgan bola bor. Şundan 2 nafari tikuvçilik tsexida kasb sirlarini örganib kelmoqda.

Nogironligi bölgan fuqarolar bilan manzilli va individual tarzda işlaş yölga qöyilgan bölib, “Saxovat va kömak” jamğarmasi hisobidan oziq-ovqat mahsulotlari yetkazib berilmoqda, Nukus tumanidagi Aqmanğit şahrida joylaşgan reabilitatsiya markazida statsionar davolaniş uçun esa arizalar rasmiylaştirilib bormoqda.

Qayd etiş joizki, ijtimoiy reyestrda turuvçi, doimiy davolanişga muhtoj fuqarolarning murojaatlariga köra, jamğarma mablağlari hisobidan xonadonlarga artezian quduği, suv nasosi va suv filtri örnatib berilmoqda.

Texnogen ofat oqibatida uyida yonğin sodir bölgan mahallada yaşovçi bir nafar fuqaroga “Saxovat va kömak” jamğarmasidan 20 million 600 ming söm miqdorida yordam körsatilib, uning uy-joyi taʼmirdan çiqarildi. Yonğinda yaroqsiz holga kelgan hujjatlarni tiklaşda esa “Inson” ijtimoiy xizmatlar markazi yuristi huquqiy kömak berdi.

Natijada oila aʼzolarining şaxsini tasdiqlovçi pasportlari, farzandlarining tuğilganlik haqidagi guvohnomalari va uyning kadastr hujjati qaytadan rasmiylaştirildi. Şu bilan birga, mahallada vasiylik va homiylikka olingan 4 nafar voyaga yetmagan bolaning yaşaş şaroiti har oy xonadonga borib örganilmoqda.

Boquvçisini yöqotgan oilalarning turmuş şaroiti ham manzilli tarzda örganilib, belgilangan mezonlar asosida ularga tegişli ijtimoiy xizmatlar körsatilmoqda. Bunday yondaşuv yordamning haqiqatan muhtoj insonga yetib borişini taʼminlab, uşbu toifadagi fuqarolarning muammolarini ijobiy hal qilişda muhim omil bölmoqda.