БАРКАМОЛ АВЛОД – ОНА ЮРТ КЕЛАЖАГИ

Сўнгги йилларда мамлакатимизда мактабгача таълим ти-зимини тубдан ислоҳ қилишга қаратилган изчил ислоҳотлар амалга оширилмоқда. Хусусан, 2017-2022 йиллар даво-мида Мактабгача таълим тизими фаолиятига доир Ўзбекистон Республикаси-нинг 3 та Қонуни, Ўзбекис-тон Республикаси Прези-дентининг 20 та Фармони ва Қарорлари, Вазирлар Маҳкамасининг 61 та Қарори қабул қилинди.
Туман Мактабгача таълим бўлими томонидан соҳани ривожлантиришга қаратилган Президент Фармон ва Қарорлари, ҳукумат қарорларида белгиланган вазифалардан келиб чиқиб, сўнгги беш йил давомида самарали ишлар амалга оширилди.
Туманда 2017 йилда жами 37 та мактабгача таълим ташкилоти бўлган бўлса, 2022 йилга келиб уларнинг сони 128 тага  етди. Айни пайтда, 51 та давлат, 4 та ДХШ ҳамда 73 та оилавий нодавлат мактабгача таълим ташки-лотлари фаолият олиб бормоқда.
2017 йилда МТТларга қамраб олин-ган болалар сони 3867 нафарни, яъни 25,7 фоизни ташкил қилган бўлса, 2022 йилга келиб бу кўрсаткич 70,8 фоизга, болалар қамрови эса 11 767 нафарга етказилди.
Бугунги кунда тумандаги жами 16841 нафар 3-7 ёшдаги болаларнинг 70,5 фоизи, яъни 11865 нафари мактаб-гача таълим ташкилотларига қамраб олинган. Уларга 862 нафар педагог хо-димлар таълим-тарбия беришмоқда.
Вазирлар Маҳкамасининг 2020 йил 9 мартдаги Қарори асосида 2021 йилда туман бўйича 15 та мажбурий бепул мактабга тайёрлаш гуруҳлари ташкил қилиниб, уларга 445 нафар болалар қамраб олинди. Ушбу гуруҳларга Ўзбекистон Республикаси Мактабгача таълим вазирлиги томонидан 8 турдаги мебеллар ҳамда 8 турдаги ўқув қуроллари етказиб берилди. Жорий йилда эса 19 та мажбурий бепул мактабга тайёрлаш гуруҳлари ташкил қилиниб, 475 нафар болалар қамраб олиниши режалаштирилган.
Туманда мактабгача таълим сифа-тини ошириш ва инновацион техно-логияларни жорий этиш мақсадида 6-сонли МТТ “Таянч мактабгача таъ-лим ташкилоти” этиб белгиланди.
Шу кунга қадар тумандаги барча мактабгача таълим ташкилотлари дидактик материаллар, иш дафтар-лари, кўргазмали қуроллар, болани ривожлантирувчи ўйинчоқлар би-лан, 21 давлат мактабгача таълим ташкилотлари электрон пианинолар билан таъминланди.
Соҳада амалга ошири-лаётган ислоҳотлар асосида 2018 йилда давлат ўқув дастурига ўзгартириш ва қў-шимчалар киритишга зарурат туғилганлиги боис, «Илк қа-дам» давлат ўқув дастури Ўзбекистон Республикаси Мактабгача таълим ташки-лотлари учун мактабгача таъ-лим ёшидаги болаларнинг ривожланишига қўйиладиган давлат талабларига мувофиқ яратилди. Унга кўра, туман-даги 51 та давлат МТТлари юқори тезликдаги интернет тармоғига уланди ва уларнинг барчаси компьютер техни-калари билан тўлиқ таъмин-ланди.  Шунингдек, 4 та давлат МТТга аутсорсинг усулида хиз-мат кўрсатиш йўлга қўйилди.
2022 йилда Инвестиция дастури асосида 2 та давлат МТТда реконструкция ишлари ҳамда “Обод қишлоқ” дастури доирасида 1 та МТТда мукам-мал таъмирлаш, 2 та давлат МТТда жорий таъмирлаш иш-лари амалга оширилмоқда.
Мактабгача таълим тизими-ни янада ривожлантириш мақ-садида соҳа вазирлиги то-монидан янги 2022-2023 ўқув йилида амалга ошириладиган вазифалар белгилаб берилди.
Унга кўра, МТТлар учун иш-лаб чиқилган «Илк қадам» давлат дастурини амалиётга кенг турда жорий қилиш, ишлаб чиқилаётган ўқув-методик ва дидактик мате-риалларнинг мазмунини ис-лоҳ қилиш ҳамда улардан самарали фойдаланишни йўл-га қўйиш биринчи галдаги вазифа қилиб белгиланди.
Мен фурсатдан фойдаланиб, барча ўқитувчи  ва мураббий-ларни, азиз ва муҳтарама ус-тозларни 1 октябрь – Ўқитув-чи ва мураббийлар куни – умумхалқ байрами билан чин дилдан муборакбод этаман. Юртимиз тинч, халқимиз соғ-омон бўлсин! Зеро, тинчлик ва соғлиқ-хотиржамлик бор жойда таълим-тарбия соҳаси юксак даражада ривожлана-ди. Фарзандларимиз кучли, билимдон инсонлар бўлиб вояга етишади. Баркамол ав-лод эса она юрт келажагидир.

Саида Содиқова,
туман МТБ бошлиғи.