ОДАМ САВДОСИ ВА МАЖБУРИЙ МЕҲНАТГА ҚАРШИ КУРАШИШ – ДОЛЗАРБ ВАЗИФА
Асримизнинг жиддий муаммосига айланган одам савдосига қарши курашиш халқаро, минтақавий, кўп ва икки томонлама муносабатларни талаб этмоқда.
Ҳозирга қадар жиноятчиликнинг ушбу турига қарши курашиш ва унинг олдини олиш мақсадида дунё миқёсида тегишли чора-тадбирлар кўрилмоқда. Юртимизда кейинги йиллар мобайнида одам савдоси ва мажбурий меҳнатга қарши курашиш борасида кескин ижобий ўзгаришлар қилиниб, бир қатор қонун ва бошқа норматив-ҳуқуқий ҳужжатлар қабул қилингани халқаро ташкилотлар томонидан эътироф қилинмоқда.
Бу борада Президентимизнинг 2019 йил 30 июлдаги «Одам савдосига ва мажбурий меҳнатга қарши курашиш тизимини янада такомиллаштиришга оид қўшимча чора-тадбирлар тўғрисида»ги Фармони ҳам муҳим аҳамият касб этмоқда. Мазкур Фармонга кўра, одам савдоси қурбонларини аниқлаш, ҳимоя қилиш ва ижтимоий реабилитация қилиш, шундай жиноятлар қурбонига айланган фуқароларга тиббий, психологик ва бошқа ёрдам кўрсатиш йўлга қўйилди. Ундан ташқари, одам савдосига алоқадор шахсларни тергов қилиш ва жавобгарликка тортиш, шунингдек, бундай жиноятларни содир этишга имкон бераётган шарт-шароитларни бартараф этиш борасидаги ишлар самарадорлиги оширилмоқда.
Одам савдоси, мажбурий меҳнатга жалб этиш каби жиноятларнинг олдини олиш, бу иллатни йўқ қилишга барчамиз масъулмиз. Бефарқ қарамасдан сергак ва ҳушёр бўлсак, эзгу мақсад йўлида биргаликда курашсак, албатта, бу борада ижобий натижаларга эришамиз.
Нурдаулет Торешов, Руслан Нуржанов,
ҚР ИИВ ходимлари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
