ТУМАНДА ТРАНСПОРТ ВОСИТАЛАРИНИНГ МАЖБУРИЙ ТЕХНИК КЎРИГИ БОШЛАНДИ
Мамлакатимизда транспорт воситаларининг техник ҳолати, улардан фойдаланиш нормалари ва қоидаларига риоя этилиши бўйича самарали назоратни ташкил этиш, транспорт воситалари техник ҳолати ва ускуналарининг йўл ҳаракати хавфсизлигининг техник регламентлари ёки стандартлари, қоидалари, нормаларига мувофиқлигини баҳолаш, транспорт воситаларининг сонини, ҳолатини, амалда мавжудлигини ва рўйхатдан ўтказиш бўйича бошқа маълумотларини аниқлаштириш, йўл ҳаракати хавфсизлигини таъминлаш юзасидан профилактика ишларини ташкил этиш, йўл ҳаракати ва транспорт воситаларидан фойдаланиш соҳасидаги ҳуқуқбузарликлар ва жиноятларнинг олдини олиш, уларни аниқлаш ва уларга барҳам бериш мақсадида транспорт воситаларини мажбурий техник кўрикдан ўтказиш тадбири амалга оширилади.
Жорий йилнинг 22 январида туман ҳокими Султонбой Йўлдашев туманимизда ушбу муҳим тадбирни ўтказиш бўйича қарор қабул қилди ва бу бўйича туман комиссияси таркиби шунингдек, жисмоний ва юридик шахсларга тегишли бўлган транспорт воситаларининг 2022 йилги мажбурий техник кўрикдан ўтказиш жадвалини тасдиқлади. Амалдаги қонунчиликка мувофиқ транспорт воситаларидан тижорат асосида йўловчилар ташиш фаолияти билан шуғулланувчи енгил автомобиллар, автобуслар, ўриндиқлари сони 8 та ва ундан ортиқ бўлган, одамларни мунтазам ташиш учун жиҳозланган юк автомобиллари, йирик габаритли, оғир вазнли ва хавфли юкларни ташиш учун мўлжалланган транспорт воситалари ва уларнинг тиркамалари бир йилда икки марта, ишлаб чиқарилганига олти йилдан кўп бўлмаган транспорт воситалари икки йилда бир марта, ишлаб чиқарилганига 6 йилдан кўп бўлган ёки ишлаб чиқарилган вақти аниқ бўлмаган транспорт воситалари бир йилда бир марта техник кўрикдан ўтказилади.
Транспорт воситаларининг мажбурий техник кўриги Давлат йўл ҳаракати хавфсизлиги хизмати органлари ҳамда тадбиркорлик субъектлари томонидан Ўзбекистон Республшикаси Вазирлар Маҳкамасининг 2021 йил 9 мартдаги 125-сонли қарори билан тасдиқланган “Транспорт воситаларини мажбурий техник кўрикдан ўтказиш тартиби тўғрисида”ги Низомга мувофиқ ўтказилади ва тегишли йиғим ундирилади.
Жисмоний шахсларга тегишли бўлган М1 тоифадаги транспорт воситалари фақат тадбиркорлик субъектлари томонидан техник кўрикдан ўтказилади.
Туманимизда ушбу тадбирнинг сифатли ва белгиланган муддатларда ўтказилишини таъминлаш бўйича тегишли ишлар амалга оширилмоқда.
Дилшод АМИНОВ, туман Ички ишлар бўлими давлат йўл-ҳаракати
хавфсизлиги бўлинмаси бошлиғи, катта лейтенант.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
