20-сонли мактабда ижтимоий фанлар ойлиги якунига бағишланган тадбир ўтказилди
Амударё туманидаги 20-сонли умумтаълим мактаби ўқувчилари ва ўқитувчилар жамоаси учун декабрь бири-биридан қизиқарли таассуротлар билан якунланмоқда. Мактабда декабрь – ижтимоий фанлар ойлиги доирасида “Тарихий хотирасиз келажак йўқ” мавзусида ижтимоий фанлар услуббирлашмаси аъзолари томонидан тарих фанидан намунали очиқ дарслар, заковат беллашувлари, синфлараро ва гуруҳлараро билимдонлар баҳслари, мактаб амалиётчи психологи томонидан “Касблар ҳафталиги” тадбирлари ўтказилди. Шунингдек “Сиз қонунни биласизми?”, “Мадҳиямиз - фахримиз” мавзуларида кенгайтирилган савол-жавоб кечалари, давра суҳбатлари, адабий-мусиқий тадбирларда мактабнинг қуйи синфлари ҳамда юқори синфлар ўқувчиларининг фаол иштироки таъминланди. Ойликнинг сўнгги ҳафтасида барча тадбирлар умумлаштирилди ва якуний тадбирда ўқувчилар фан ойлиги давомида олган билим ва кўникмаларини амалда намоён этишлари учун шароит яратилди.
Тадбир ўтказиладиган мактаб фойеси буюк аждодларимизнинг портретлари, жаҳон илм-фанига қўшган беқиёс улкан ҳиссалари ҳақида ҳикоя қилувчи суратлар, аъбомлар, ўқувчилар томонидан тайёрланган кўргазмали воситалар, ижтимоий фанлар ойлиги акс эттирилган деворий газеталар билан безатилди.
Тадбирни мактаб директори кириш сўзи билан очди ва дунё илм-фанига, тарих, математика, тиббиёт, ҳуқуқшунослик, жуғрофия каби фанларнинг ривожига муносиб ҳисса қўшган олимлар, шунингдек ҳақиқий ислом дини тараққиётини таъминлаган, ҳамон мусулмон оламининг шон-шараф чўққисида турган имом Бухорий, Ат-Термизий буюк саркардалар, Жалолиддин Мангуберди, Амир Темур, афсонавий Тўмарис, Широқ, Алпомишларнинг буюк маънавий мероси ҳақида сўз юритди.
Шундан сўнг, тадбирнинг асосий қисми бошланди. Унда ўқувчи-ёшлар фан ойлиги давомида ўзлари олган билимлари бўйича викторина саволларига жавоб бердилар. 8-9-синфлар ўқувчилари ўзлари тайёрлаган буклетлар ва Ўзбекистон давлатчилик тарихига оид чизган суратлари, буюк аждодларимиз – Абу Али Ибн Сино, Имом Ал-Бухорий, Жалоллидин Мангуберди, Темур Малик Амир Темур, Ал Хоразмий, Ал Беруний, Ат-Термизий каби тарихий сиймоларнинг бунёдкорлик ишлари, буюк кашфиётлари, дунё илм-фани ва сиёсатига қўшган ҳиссалари, айниқса, енгилмас саркарда, йирик давлат арбоби Амир Темурнинг давлатчилик тарихи, саркардилик қобилияти ва шон-шуҳрати хусусида маърузалар қилдилар. Шу билан бирга ойлик давомида олган билимлари бўйича ўқувчи ўқувчининг хотирасини синовдан ўтказишлари учун имконият яратилди ва ўқувчилар бир-бирларига саволлар беришлари асносида ўтилган даврс-машғулотлар савиясига баҳо берилди.
Мактабда ўтказилган мазкур тадбир ўқувчилар қалбида халқимизнинг буюк тарихига ҳурмат, миллий-маънавий ҳамда тарихий қадриятларимизга ҳурмат туйғусини янада мустаҳкамлади.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
