ГЕНДЕР ЗЎРАВОНЛИККА ЖАВОБАН ХИЗМАТ КЎРСАТИШНИНГ СТАНДАРТ ОПЕРАЦИОН ИШ ТАРТИБЛАРИ БЎЙИЧА СЕМИНАР-ТРЕНИНГ ЎТКАЗИЛДИ
Яқинда туман Маҳалла ва оилани қўллаб-қувватлаш бўлими биносида ўтказилган мазкур семинар-тренингда 49 та фуқаролар йиғинлари раисларининг оила, хотин-қизлар ва ижтимоий-маънавий масалалар бўйича ўринбосарлари иштирок этишди. Машғулотни туман Маҳалла ва оилани қўллаб-қувватлаш бўлими бошлиғининг биринчи ўринбосари Муқаддас Бекназарова, мутахассис-тренерлар Қорақалпоғистон Республикаси Маҳалла ва оилани қўллаб қувватлаш вазирлиги ижтимоий ҳимояга муҳтож оилалар билан ишлаш бўлими бошлиғи Мадина Турдимуродова, Аёлларни реабилитация қилиш ва мослаштириш Қорақалпоғистон Республикаси туманлараро маркази директори Гавҳар Чимбайчиевалар олиб боришди.
Семинарда таъкидланганидек, 2020 йилда аёлларга нисбатан зўравонликнинг ҳар қандай турига барҳам бериш, соғлиқни сақлаш, ички ишлар органлари, психологик ва ижтимоий хизматлар йўналишлари бўйича стандарт операцион иш тартиблари ишлаб чиқилди. Бу бўйича қўлланмалар Қорақалпоғистон Республикаси, Самарқанд ва Бухоро вилоятларида амалга ошириш бўйича икки босқичли тренинглар ва уларнинг мониторингларидан кейин 2021 йилда чоп этилди.
Идоралараро Стандарт операцион иш тартибларини республика миқёсида амалиётга татбиқ этиш мақсадида 1-3 декабрь кунлари давомида Ўзбекистон Республикаси Гендер тенгликни таъминлаш масалалари бўйича комиссияси, Бирлашган Миллатлар Ташкилотининг Аҳолишунослик Жамғармаси билан ҳамкорликда, Буюк Британия ҳукуматининг молиявий кўмаги остида Тошкент шаҳрида соғлиқни сақлаш, ички ишлар органлари, психологик ва ижтимоий хизматлар йўналишлари бўйича мутахассис-тренерларни тайёрлаш юзасидан тренинглар ҳам ўтказилган эди.
Тадбирда ташкилот марказий тузилмалар ва 14 та ҳудудий бошқармалардан мутахассис-тренерлар кўрсатилган мезонлар бўйича саралаб олинди. Уларга тренингда олинган билимлар асосида календарь режалар бўйича ҳудудларида ўқув машғулотларини ташкил этиш ва тушунчалар бериш вазифаси юклатилди. Шунга кўра Қорақалпоғистон Республикасидан мана шу семинарда иштирок этган 8 нафар соҳа вакиллари томонидан ўз йўналишлари бўйича ҳудудларда худди шундай тренинглар ташкил қилинмоқда.
Мазкур тренингда қатнашчилар шу каби маълумотлар билан бирга гендер ва гендер зўравонлиги бўйича асосий тушунчалар, гендер зўравонликнинг жабрланувчиси кимлиги, гендер зўравонликнинг сабаблари ва оқибатлари, бундай ҳолатларга жавобан чоралар тақдим этиш механизмлари тўғрисидаги таълим асослари билан танишдилар. Тренерлар жабрланувчи билан ишлашда комплекс ёндашувнинг аҳамиятига алоҳида тўхталиб ўтдилар.
Семинар иштирокчилари гендер зўравонлик жабрланувчиси билан бевосита ишлашда ижтимоий хизмат тақдим этувчилар учун ишлаб чиқилган ва етказилган ҳужжатдан фойдаланиш ҳақида батафсил маълумот ва тушунчаларга эга бўлдилар.
Гавҳар ЧИМБАЙЧИЕВА, Аёлларни реабилитация қилиш ва мослаштириш Қорақалпоғистон Республикаси туманлараро маркази директори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
