ЗЎРАВОНЛИККА ҚАРШИ КУРАШДА АМАЛГА ОШИРИЛАЁТГАН ДЕМОКРАТИК ИСЛОҲОТЛАР
Мамлакатимизда зўравонликни олдини олиш, зўравонликдан жабр кўрган хотин-қизларга ҳуқуқий ижтимоий ёрдам кўрсатиш тизимли равишда йўлга қўйилди. Хотин-қизларнинг хуқуқ ва манфаатларини гендер тенгликни таъминлаш, оила, оналик ва болаликни ҳимоя қилиш, аёллар ўртасида тадбиркорликни ривожлантириш, янги иш ўринларини яратиш, меҳнат ва турмуш шароитларни яхшилаш, уларга нисбатан тазйиқ ва зўравонликларнинг олдини олиш борасида қатор ишлар амалга оширилди.
Жумладан, хотин-қизларни тазйиқ ва зӯравонликдан ҳимоя қилиш соҳасидаги муносабатларни тартибга солиш, эркаклар билан тенг ҳуқуқ ва имкониятларини яратиш мақсадида Ӯзбекистон Республикасининг «Хотин-қизларни тазйиқ ва зӯравонликдан ҳимоя қилиш тӯғрисида»ги ва «Хотин-қизлар ва эркаклар учун тенг ҳуқуқ ҳамда имкониятлар кафолатлари тӯғрисида»ги Қонунлари қабул қилинди.
Ижтимоий ҳимояга муҳтож хотин-қизларни қўллаб-қувватлаш ва тадбиркорлик фаолиятини бошлашларига кўмаклашиш мақсадида ўтган йили тижорат банклари, Хотин-қизларни ва оилани қўллаб–қувватлаш жамоат фонди маблағлари ҳисобидан кредитлар ажратилди. Хотин-қизлар бандлигини таъминлаш учун тадбиркорликка кенг жалб қилиш орқали янги иш ўринлари яратилди.
Ишсиз ва кам таъминланган оилалардаги хотин-қизлар ҳақ тўланадиган жамоат ишларига жалб қилинди ва уларнинг иш ҳақи вазирлик ҳузуридаги Жамоат ишлари жамғармаси ҳисобидан молиялаштириб берилди.
Ундан ташқари, ўз ўзини изоляциялаш режими жорий этилиши билан Гендер тенгликни таъминлаш масалалари бўйича комиссияси ҳузуридаги «ННТ лар бирлашмаси» ва халқаро ташкилотлар билан ҳамкорликда жорий йил 10 апрелдан бошлаб, «Ишонч телефони» хизмати иш бошлади. Ушбу давр мобайнида келиб тушган мурожаатларнинг 40 фоизи зўравонлик ҳолатларга боғлиқлиги аниқланди. Уларга психологик, юридик ва реаблитация ёрдами кўрсатилди.
Бу каби тадбирлар ва кенг кӯламли ислоҳотларнинг амалга оширилиши натижасида хотин-қизлар ва эркаклар учун тенг ҳуқуқ ҳамда имкониятларга эришиш, жамият ва давлат ишларини бошқаришда уларнинг тенг иштирок этиши таъминланади. Шунингдек, бу борадаги барча чоралар хотин-қизларни ижтимоий-ҳуқуқий жиҳатдан қӯллаб-қувватлаш, хотин-қизларнинг тазйиқ ва зӯравонликлардан ҳимоя қилинишига асос бӯлиб хизмат қилади.
Б.Бекмурадов, Беруний туманлараро Иқтисодий суди судьяси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
