ХАЛҚАРО КОРРУПЦИЯГА ҚАРШИ КУРАШ КУНИГА БАҒИШЛАНГАН ТАДБИР ТАШКИЛ ЭТИЛДИ
Коррупция – давлат ва жамиятнинг ривожига, халқнинг адолатга бўлган ишончига жиддий путур етказадиган хавфли жиноят ҳисобланади. Шу сабабдан ҳам мамлакатимизда ушбу жиноятнинг келиб чиқиш хавфини олдини олиш ва унга қарши курашиш борасидаги ишлар изчиллик билан амалга оширилмоқда. Айниқса, халқаро коррупцияга қарши курашиш куни деб белгиланган 9 декабрь санасида коррупцияга оид ҳуқуқбузарликлар содир этилишининг олдини олиш, қонунчилик, хизмат интизоми, одоб-ахлоқ қоидалари ва ички тартиб қоидаларга риоя этилишини таъминлашга қаратилган кенг қамровли тушунтириш ва тарғибот тадбирлари ташкил этилади.
30 ноябрь куни 82-сонли мактабда туман Халқ таълим бўлими ташаббуси билан Ўзбекистон Республикаси Конституцияси қабул қилинганлигининг 29 йиллиги ҳамда халқаро коррупцияга қарши кураш куни муносабати билан тадбир ўтказилди. Тадбирда туман Халқ таълими, Адлия бўлими масъуллари, тумандаги 85 та умумтаълим мактаблари директорлари ва оммавий ахборот воситалари ходимлари қатнашишди.
Тадбирда сўзга чиққанлар Ўзбекистон Республикаси Конституцияси, Ўзбекистон Республикасининг Корупцияга қарши кураш тўғрисидаги қонуни мазмун-моҳияти хусусида батафсил тушунчалар бериб ўтдилар.
Хусусан, тадбир аввалида Бирлашган Миллатлар Ташкилоти Бош Ассамблеясининг 2003 йил 21 ноябрдаги резолюциясига мувофиқ, 2004 йилдан бошлаб “9 декабрь – Бутунжаҳон коррупцияга қарши курашиш куни” сифатида нишонланаётгани, ушбу кунда Бирлашган Миллатлар Ташкилоти “Коррупцияга қарши конвенция”ни тан олганлиги тўғрисда маълумот берилди. Шунингдек, аъзоси ҳисобланган давлатларда турли тадбирлар ва акциялар уюштирилиши, плакат ва тарқатма материаллар чоп этилиши, оммавий ахборот воситаларида коррупцияга қарши курашиш масаласидаги ахборотлар фаоллашиши таъкидлаб ўтилди.
Ундан ташқари, коррупцияга қарши курашиш борасида амалиётга татбиқ этилаётган ҳуқуқий ҳужжатларнинг ижросини таъминлаш, хусусан, давлат ташкилотлари ҳамда бошқа соҳаларда коррупция ҳаракатларининг олдини олиш ва уларга чек қўйишга оид масалалар юзасидан амалга оширилаётган чора-тадбирлар ижроси ҳамда келгусидаги вазифалар хусусида сўз юритилди. Мамлакатимизда аҳоли, тадбиркорлар ҳамда давлат ташкилоти ходимларига ҳар томонлама қулай шароит яратиб берилаётгани, аммо баъзи ҳолларда айрим фуқаролар ўз ҳақ-ҳуқуқларини яхши билмасликлари туфайли таъмагирлик, порахўрлик, коррупция ҳолатлари юзага келаётгани, бунинг учун эса, давлат ва нодавлат ташкилотлар ҳамда тадбиркорлар ўртасида ўзаро ҳамкорликни янада мустаҳкамлаш зарур эканлиги айтиб ўтилди.
Тадбир давомида мамлакатимизда коррупцияга қарши курашишга қаратилган муҳим ҳуқуқий ҳужжатлар ижросини таъминлаш нафақат бу иллатнинг олдини олиш, давлат ва жамият тараққиётига хизмат қилиши таъкидланди. Таълим тизими ходимлари ўртасида одоб-ахлоқ қоидаларига риоя этиш, коррупция билан боғлиқ қонунбузарлик ҳолатлари ҳақида тегишли жойларга хабар бериш, уларнинг олдини олиш ва бартараф этишга оид масалалар юзасидан фикр-мулоҳазалар билдирилди.
Тадбирда иштирок этган соҳа ходимлари давлат ташкилотлари томонидан ўтказилаётган бу каби тадбирлар жамиятда ҳуқуқбузарликларнинг барвақт олдини олишни таъминлаши, уларнинг профилактикаси самарадорлигини ошириш ҳамда аҳолининг ҳуқуқий билимларини янада бойитишга хизмат қилишини таъкидлаб, ташкилотчиларга ўз миннатдорчиликларини билдиришди. Шунингдек, барча саволларга батафсил жавоблар берилиб, иштирокчиларнинг ҳуқуқий тушунчалари кенгайтирилди.
М.Матюсупов, туман Адлия бўлими бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
