56-СОНЛИ МАКТАБДА ФАН ОЙЛИГИ МУВАФФАҚИЯТЛИ ЯКУНЛАНДИ
Кейингги йилларда барча умумтаълим мактабларида фан ойлигии ўтказилиб, ўқувчиларнинг фанларга бўлган қизиқишларини оширишга эришилмоқда. Фан ойлиги доирасида ўтказилаётган очиқ дарслар ва турли мавзулардаги беллашувлар ўқувчилар онг ва билим даражаларининг ошишида муҳим омил бўлаётир.
Туманимиздаги 56-сонли умумтаълим мактабида ҳам ноябрь ойи учун белгиланган фан ойлиги ўқитувчи ва ўқувчилар фаоллигида, намунали тарзда ўтказилди.
“Рус ва хорижий тиллар фан ойлиги” деб номланган мазкур ойлик давомида мактабнинг 23 та синфида рус тили фани бўйича ва 23 та синфида инглиз тили фани бўйича бир қанча очиқ дарслар, машғулотлар ва беллашув тадбирлари ўтказилди.
Фан ойлиги давомида ўқув-тарбия жараёнининг сифатини, фан ўқитувчиларининг педагогик маҳоратини ошириш, уларнинг қобилият ва истеъдодларини рўёбга чиқариш юзасидан бир қанча ишлар амалга оширилди.
Ушбу фан ойлиги жараёнида ўқитувчиларнинг замонавий услублардан кенг фойдланишларига, педагогик технологияларни такомиллаштиришларига ва таълим-тарбия борасида яхши натижаларга эришишларига алоҳида эътибор берилди.
Фан ойлиги давомида айниқса мактабнинг рус тили фани ўқитувчилари Лайло Файзуллаева, Гулнора Жолдибоева ва Муҳаррам Қурбонбоевалар фаол ҳаракат қилишиб, рус тили фани ўқитилишида яхши натижаларга эришдилар.
Фан ойлигининг биринчи ҳафталигида энг чиройли ҳуснихат ва энг чиройли расм чиқиш бўйича беллашувлар ўтказилиб, кириш тестлари олинди. Иккинчи ҳафталикда ифодали ўқиш бўйича мусобақалар, учинчи ҳафталикда эса “Олтин куз” мавзусида очиқ дарслар ўтказилди.
Рус тили фани ўқитувчилари Лайло Файзуллаеванинг 11“Б”-синфда, Гулнора Жолдибоеванинг 10“А” ва 8 “Б”-синфларда, Мухаррам Қурбонбоеванинг 10“В” ва 3 “Б”-синфларда ўтказган очиқ дарслари барча ўқувчиларда катта қизиқиш уйғотди.
Фан ойлигининг тўртинчи ҳафталигида ўтказилган якунловчи тестлар ва беллашув тадбирлари мактаб ўқувчиларида рус тилига бўлган қизиқишининг янада ошишига омил бўлди.
Жорий йилнинг 30 ноябрь куни мактабда фан ойлиги якуни бўйича алоҳида тадбир ўтказилиб, унда ўқувчилар иштирокида рус тилида савол-жавоблар ва бадиий чиқишлар ташкил этилди, зукко ўқувчилар рағбатлантирилди.
Айни кунда мактабда навбатдаги фан ойлиги доирасида амалга ошириладиган ишларга ҳам қизғин тайёргарлик кўрилмоқда.
Алламберган ЖУМАНИЁЗОВ, мактабнинг ижодий-маданий масалалар бўйича тарғиботчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
